Narbonés

Aqueste article es redigit en lengadocian.
Un article de Wikipèdia, l'enciclopèdia liura.

Infotaula de geografia fisicaNarbonés
Tipeparçan
EponimNarbona Modifica el valor a Wikidata
Localizacion
CapitalaNarbona

Narbonés es un parçan d'Occitània[1] situat en Lengadòc. A l'Edat Mejana, formèt lo territòri del vescomtat de Narbona. Sa capitala es la ciutat de Narbona.

Istòria[modificar | Modificar lo còdi]

Le Narbonés èra un ancian pagus qu'aviá Narbona per caplòc. Foguèt lèu desmembrat per la creacion dels avescats de Carcassona e d'Elna. Comprenguèt alara le Narbonés pròpriament dit, Menerbés, Rasés, le País de Saut, Donasan, Capcir, Fenolhedés, Termenés e Pèirapertusés. En 1318, la creacion dels avescats d'Alet e de Sant Ponç de Tomièiras modifiquèt un còp de mai l'espandida de Narbonés; Menerbés foguèt despartit entre la diocèsi de Narbona e la de Sant Ponç; le Naut Rasés foguèt atribuït a la diocèsi d'Alet, le Bas Rasés demorèt a Narbona, tanplan coma Termenés e Pèirapertusés [2].
Al sègle IX, Narbonés compreniá le Narbonés pròpriament dit, Territorium Narbonense en 821, Menerbés, Suburbium Minerbense en 873 e le país de Ventajon, Suburbium Ventaionense en 819. Autras fòrmas ancianas : Narbonense en 1204, Narbonesium en 1242, In Narbonerio en 1278, Narbonois, Nerbonois, Nerbonnois, Noirbonnois, als sègles XII o XIII [2].
Le Narbonés pròpriament dit correspond als cantons de Narbona, de Ginestars, de Corçan e la partida orientala del canton de Lesinhan de las Corbièras. Jol rapòrt eclesiastic formava un archipreirat qu'aviá Capestanh per caplòc [2].

Nòtas[modificar | Modificar lo còdi]

  1. Segon la classificacion de Frederic Zégierman.
  2. 2,0 2,1 et 2,2 Abbé Sabarthès, Dictionnaire topographique du département de l'Aude, 1912, p. 271, legir en linha https://gallica.bnf.fr/ark:/12148/bpt6k110095d/f363.item.texteImage