Nadau (grop)

Un article de Wikipèdia, l'enciclopèdia liura.
Anar a : navigacion, Recercar
Pagina d'ajuda sus l'omonimia Pels articles omonims, vejatz Nadau (omonimia).
Nadau en Tolosa dempus dera manifestacion capitanejada per Anem òc

Nadau o, deu son purmèr nom, Los de Nadau, qu'ei un grop Bearnés de musica hèra famós fondat en 1973 qui a produsit nau àlbums (dont quate disques compactes) e jogat dus còps a l'Olympia a París. La soa cançon L'immortèla qu'ei la mei famosa de las soas e qu'ei cantada en mantuas aucasion en Bearn. A travèrs deus ans, Nadau qu'a jogat un ròtle màger dens los combats tà sostiéner la lenga occitana en Bearn, per las soas escòlas calandretas e peu bearnés a la ràdio.

Istòria[modificar | modificar la font]

Lo grope neish a la fin de 1973 a Tarba de la rencontra de Miquèu Maffrand, Jacme Roth e Ninon Paloumet. Miquèu Maffrand, professor de matematicas, se bota a d'apréner l'occitan damb Gilabèrt Narioo.

La novèra cançon occitana existís dejà, damb Martí, Patric, Delbeau, Verdièr. Après 1968, epòca de l'eslogan Volem viure al país, fòrt de junes se reviran decap a lurs rigadas. Las salas son plenhas. Lo prumèir disque sòrt a l'estiu de 1975. Son titre : Mossur lo regent. Son cançons revendicativas mès tanben cançons d'amor. Los de Nadau acompanha las lutas viticolas e obrèiras, quò's l'epòca de la cançon engatjada. Sòrten La venta a las enchèras en 1976 apui L'immortèla en 1978... L'immortèla, vinguda l'imne deus Biarnés.

En 1980 neish a Pau la prumèira Calandreta. Serà totjorn sostinguda per Nadau dens son combat per la lenga occitana. Lo grope s'implica tanben dens las prumèiras radiòs libras.

Lo 20 de mai 2000, granda data : Nadau hèi sala combla a l'Olympia de París. Rebelòta lo 7 de mai 2005.

Nadau hèi pus o mens quaranta concèrts per an.

Los membres[modificar | modificar la font]

  • Miquèu MAFFRAND : cant, acordeon diatonic, boha.
  • Ninon MAFFRAND : cant, clavèirs.
  • Sèrgi CABOS : cant, guitarra electrica/acostica, baisha.
  • Jan-Pèir MEDOU : cant, guitarra electrica/acostica, baisha.
  • Fabrice MANCONI : bateria.
  • Cédric PRIVÉ : vialon.
  • Michaël TEMPETTE : boha, bodega, pifre.
  • Olivier ROBERT : regissaire son.
  • Stephane LABORDE : tecnician.
  • Alain GREGORY : regissaire lutz.
  • Christophe PALAY : tecnician.

Discografia[modificar | modificar la font]

  • 1975 : Monsur lo regent
  • 1976 : La venta a las enchèras
  • 1978 : L'immortèla
  • 1982 : T'on vas
  • 1986 : Qu'èm ço qui èm
  • 1991 : De cuu au vent
  • 1994 : Pengabelòt
  • 1995 : S'aví sabut (compilacion)
  • 1996 : Nadau en companhia (concèrt en viu au Zénit de Pau)
  • 1999 : Plumalhon
  • 2003 : Saumon
  • 2005 : Nadau a l'Olympia (concèrt en viu)

Videografia[modificar | modificar la font]

  • 1993 : Nadau en companhia
  • 1996 : Nadau en companhia
  • 2000 : Nadau a l'Olympia
  • 2002 : Nadau en companhia
  • 2005 : Nadau a l'Olympia

Ligam extèrne[modificar | modificar la font]