Nabopolassar

Un article de Wikipèdia, l'enciclopèdia liura.

Nabopolassar (tanben dich Nabu-apla-usur) foguèt lo premier sobeiran de la dinastia caldèa de Babilònia de 626 a 605 av. JC. Foguèt remplaçat per son fiu Nabucodonosòr II (605-562 av. JC).

Inicialament governador de Babilònia e lo vassau de l'Empèri Assirian, se revoutèt en 626 av. JC còntra la tutèla assiriana. Capitèt d'arrestar una ataca assiriana dins la region de Nippur en 625 av. JC. La mòrt dau rèi assirian Ashur-etil-ilani dins lo corrent de la batalha afebliguèt grèvament l'Empèri Assirian qu'èra ja en declin en causa dei revòutas recurrentas que tocavan sei províncias. Puei, Nabopolassar foguèt proclamat rèi de Babilònia e capitèt de mantenir l'independéncia de son reiaume. En 616 e 615 av. JC, ganhèt doas autrei batalhas importantas còntra leis Assirians. Puei, gràcias a una aliança ambé lei Medes e leis Escites, destruguèt definitivament l'Empèri Assirian entre 612 e 609 av. JC. Après aquela victòria, la fin de son rèine foguèt marcat per la lucha còntra leis Egipians que s'inquietavan dei progrès caldèus en direccion de Palestina e de Siria.

Liames intèrnes[modificar | Modificar lo còdi]

Bibliografia[modificar | Modificar lo còdi]

Nòtas e referéncias[modificar | Modificar lo còdi]