Mumbai Monorail
Lo Mumbai Monorail (en marathi: मुंबई मोनोरेल) es un sistèma de monorail de la capitala e vila mai importanta d'Índia, Bombai. Lo projècte foguèt portat per l'Autoritat de Desvolopament de la Region Metropolitana de Bombai (en anglés: Mumbai Metropolitan Region Development Authority e en marathi: मुंबई महानगर प्रदेश विकास प्राधिकरण), conjonchament dins un consòrci que compren lo conglomerat Larsen & Toubro situat a Bombai e la companhiá d'infrastructuras malaisiana Scomi Engineering. La construccion d'aqueste mejan de transpòrt, lo primièr monorail que siá estat bastit en Índia dempuèi l'independéncia d'Índia, foguèt entamenada en genièr de 2009. Sa primièra linha operacionala que connècta Wadala a Chembur, foguèt inaugurada l'1 de febrièr de 2014.