Mont Pelegrin

Un article de Wikipèdia, l'enciclopèdia liura.
Anar a : navigacion, Recercar
Vista de Mont Pelegrin

Mont Pelegrin (en latin Mons Pelegrinus, en arab Qala'at Sanjil (valent a dire Lo Castèl de Sant Gili) es una ciutadèla situada a Trípol, ciutat que domina dempuèi un truc, que foguèt bastïda del temps de las crosadas.


Istòria[modificar | modificar la font]

Interior de la fortalesa de Mont Pelegrin

La fortalesa foguèt construïda en 1103 per Ramon IV, Comte de Tolosa e menaire de l'armada crosada en naut d'un truc a l'endefòra de Trípol pr'amor de poder assetjar la ciutat. Mai avant, lo comte tolosan faguèt créisser la fortalesa, que nomenèt Mont Pelegrin, ja qu'en Ramon desirava que l'endrech serviguèsse per aculhir los pelegrins qu'anavan a tèrra santa.[1] Lo comte Ramon moriguèt dins la fortalesa quand foguèt assetjada en 1105, e aquesta passèt puèi a las mans de son nebot, lo comte Guillem II de Cerdanha, que l'acompanhava a la crosada. [2]

La fortalesa foguèt part d'una entitat politica que se disiá Comtat de Mont Pelegrin.

Dins aqueste castèl foguèt ont visquèt Melissenda, la comtessa de Trípol, una dòna de grandas belesa e qualitats que, segon la legenda, se n'enamorèt de luènh lo trobador malastrós Jaufre Rudèl. Se ditz qu'aqueste s'embarquèt per tèrra santa, venguèt malaut durant lo viatge e moriguèt dins los braces de la comtessa.

La fortalesa aprèp la dominacion crestiana[modificar | modificar la font]

Aprèp la desfacha dels crosats e a partir de la presa de Trípol en 1289 lo castèl foguèt parcialament enrunat. Pasmens gràcias a las òbras de reconstruccion entrepresas per l'emir Esendemir se recuperèt parcialament la fortalesa. Soliman lo magnific contunhèt lo prètzfach de restauracion. Durant lo sègle XX lo castèl foguèt usat coma preson.[3]

Referéncias[modificar | modificar la font]

  1. A History of the Crusades, Volume I, M.W. Baldwin, editor. University of Wisconsin Press, 1969. p.396
  2. Josep Moran, Cronicó de Perpinyà, p. 11
  3. Le Petit Fûté : Liban, p. 197

Ligams extèrnes[modificar | modificar la font]

34° 26′ 00″ Nòrd 35° 50′ 40″ Èst / 34.4334, 35.8445 / 34.4334; 35.8445