Massilia Sound System
Un article de Wikipèdia, l'enciclopèdia liura.
Massilia Sound System es un grop de raggamuffin (entre lo reggae e lo rap) que canta en occitan e en francés. Es aparegut a Marselha dins leis ans 1980 e a sauput desvolopar una version « provençala » dau reggae / rub-a-dub jamaican a travèrs de tèxts cantats en occitan e en francés, e un sòn que se reconeis entre mila, a basa de boitas de ritmes e de samples pescats dins la tradicion locala o en cò de sei collègas. Longtemps deslaissat per leis ostaus de discs, lo grop a fondat sa pròpria estructura de produccion: Roker promocion. Lo grop s'implica dempuei longtemps dins la vida culturala de Marselha en multiplicant lei balètis, lei repais de quartier e d'autreis iniciativas simpaticas.
"Lo Massilia" a sauput repopularizar la vila de Marselha dins leis ans 1990, en conjoncion amb lei bòns resultats de l'Olimpic de Marselha e d'autrei grops de la scèna marselhesa (IAM) e balhar ansin una identitat positiva a una generacion entiera de marselhés joves, fièrs de sa ciutat e de sa capacitat a bracejar lei culturas.
De liames regionaus se son formats amb d'autrei formacions, coma lei Fabulous Trobadors de Claudi Sicre a Tolosa, lei Nux Vomica a Niça, e d'autrei grops reggae/ragga utilizant de valors similaras e una lenga minorizada (vejatz la Linha Imaginòt).
Sei darriers albums reïntègran lei sonoritats rock, aprefondisson leis exploracions world, coma l'utilizacion dei taulas, e mai fan quauqueis incursions dins la drum'n'bass. En 2004, an decidit de laissar plaça a de projèctes sòlo, coma aquelei de Oai Star (rock/ragga festiu), Soleil FX (dub), Moussu T e lei Jovents (lo grop de Tato, cançon). Li agrada de servir lo pastís pendent lei concèrts, demandan au public de se sarrar per beure un còp. Massilia sèrv, de quauque biais, d'entretenir la cultura de nòstra bèla Provença.
Somari |
[modificar] Discografia
- Parla Patois (1992)
- Chourmo (1993)
- Commando Fada (1995)
- Aïolliwood (1997)
- Marseille London Experience (1999)
- 3968 CR 13 (2000)
- Occitanista (2002)
- Massilia fait tourner (Live, 2004)
- Òai e Libertat (2007)
[modificar] traduccion dei paraulas d'una cançon bilingua
[modificar] version bilingua originala
ON MET LE OAI PARTOUT
per toei lei raggamuffins que son dins la plaça
soveti aquesta nuech bòna dança
que sòn que ven aquí Massilia se li ditz
TOUT LE MONDE DOIT BOUGER, TOUT LE MONDE DOIT DANSER
QUAND ARRIVE SUR LA SCENE LE SOUND SYSTEM MARSEILLAIS
FINI DE TE CALCULER, FINI DE TE DEMANDER
LE POURQUOI LE COMMENT DE CE QUI VA SE PASSER
LE RYTHME , C'EST LE REGGAE D'UNE FORCE ACCELEREE
LE SON IL EST DIGITAL C'EST FAIT POUR NOUS ECRASER
PHENOMENAL RIDDIM POUR PHENOMENAL SUJET
C'EST LE MA- , C'EST LE SSI- , C'EST LE -LIA QUI REVIENT POUR T'ECLATER
PHENOMENAL SYSTEME POUR PHENOMENAL DJ
MASSILIA EST LA , LES PEBRONS VONT DEGAGER
ENTRE DANS LA DANSE C'EST MASSILIA QUI T'INVITE
ENTRE DANS LA DANSE ET FAIS LE VITE , VITE !
JE NE VEUX PAS VOIR DANS LA SALLE UN SEUL RAGGA QUI HESITE
JE NE VEUX VOIR QUE DES GENS VIVANTS ET QUI ME DONNENT LA REPLIQUE
CULTURELLEMENT NOTRE ARME C'EST LA MUSIQUE
PAS DE BLABLABLA , PAS DE RHETORIQUE
LES MOTS JUSTEMENT PLACE SUR LA RYTHMIQUE
EN PATOIS , EN FRANÇAIS , CA FRAPPE LA DIALECTIQUE
Que siam una banda de gaia joventura e avèm un grand fuec que nos brutla
Se siam imaginats per lo faire passar de prendre lo micro e dedins de bramar
Se siam imaginats per lo faire passar de te fotre lo oai ! enabans mon selècta
[modificar] traduccion en occitan
Lo oai
per toei lei raggamuffins que son dins la plaça
soveti aquesta nuech bòna dança
que sòn que ven aquí Massilia se li ditz
totei devon bolegar, totei devon dançar
quand arriba sus la scèna lo sound system marselhés
finit de te calcular, finit de te demandar
lo perqué lo coma de çò que se vai passar
lo ritme, es lo reggae d'una fòrça accelerada.
Fenomenau Riddim per fenomenau subjècte
Es lo ma es lo ssi es lo lia que torna per te chalar
Fenomenau sistèma per fenomenau DJ
Massila es aquí, lei pebrons van partir
Entra dins la dança es Massilia que t'invita
Entra dins la dança e fai o lèu, lèu!
Vòli pas veire dins la sala un solet Ragga qu'esita
Vòli pas veire que de gents vivas e que me donan la respòsta
Culturalament nòstra arma es la musica
Pas de blablablà, pas de retorica
Lei mots justament, plaça sus la ritmica
En patés, en francés aquò pica la dialectica
Que siam una banda de gaia joventura e avèm un grand fuec que nos brutla
Se siam imaginats per lo faire passar de prendre lo micro e dedins de bramar
Se siam imaginats per lo faire passar de te fotre lo oai ! enabans mon selècta
