Martín Miguel de Güemes

Un article de Wikipèdia, l'enciclopèdia liura.
Anar a : navigacion, Recercar
Güemes
Monument a Güemes, Salta
Gauchos de Güemes

Martín Miguel de Güemes (Salta, lo 8 de heurèr de 1785 - Cañada de la Horqueta, Província de Salta, lo 17 de junh de 1821) que ho un militar, un revolucionari e un òmi politic argentin de la Província de Salta (e lo purmèr governador d'aquesta província).

Hilh d'un militar, que ho educat entà la medisha carrièra e que s'ilustrè durant las Invasions anglesas de l'arriu de la Plata en bèth préner un vaishèth anglés dab la soa cavaleria en bèth prohèitar deu son encalhament.

A cap d'ua armada de gauchos, que pelegè durant la victòria de Suipacha abans que l'armada patriotica en derrota e abandonesse lo projècte de conquestar lo territòri de Haut Peró aus realistas.

A partir d'aqueth moment l'accion de Güemes e deus gauchos coneguts com Los Infernales que ho determinanta dens l'escaduda de la Guèrra d'Independéncia Argentina puish la loa mission que ho de non pas deishar las armadas realistas penetrar dehens lo territòri argentin. que s'i escadèn dab ua guèrra de maviments rapides e de arcelament de l'enemic comparabla dab çò qui au sègle XX e hore aperat la gerrilla. Aqueth episòdi de la Guèrra d'Independéncia qu'ei conegut dab lo nom de Guèrra Gaucha.

Emofil, que's morí d'ua herida en bèth virar se las entà escapar totun aus sons enemics.

A despart d'emparar l'independéncia deu territòri argentin, l'accion de Güemes que permetó au Libertador generau José de San Martín d'aver las mans libra entà traucar la cordilhèra deus Andes entà liberar Chile puish Peró.

Qu'ei lo eròi emblematic de la ciuta e de la província de Salta.