Mar de Japon

Un article de Wikipèdia, l'enciclopèdia liura.
(Redirigit dempuèi Mar de l'Èst)


mar de Japon / mar de l'Èst
Sea of Japan
日本海 (japonés)
조선동해 (corean del Nòrd)
동해 (corean del Sud)
Япо́нское мо́ре (rus)
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Mapa de la Mar de Japon
Mapa de la Mar de Japon
Caracteristicas
Superficia 978 000 km²
Pregondor
 - Maximala
 - Mejana

3 742 m
1 752 m
Tipe Mar bordièra
Geografia
Localizacion Ocean Pacific oèst
Païses ribairencs Corèa del Nòrd, Corèa del Sud, Japon, Russia
Subdivisions

La mar de Japon o mar de l'Èst[1][2] es una mar situada a l'oèst de l'ocean Pacific, enrodada a l'èst per las illas Japonesas d'Hokkaidō, Honshū e Kyūshū, a l'oèst per la peninsula coreana, e al nòrd per Russia e las illas Sakhalin.

La mar es religada a d'autras mars per sièis estreches paucs prigonds :

Lo punt mai prigond es de 3742 m jol nivèl de la mar; la fonsor mejana es de 1752 m. La superficia de la mar es d'a pauc près 978 000 km². La mar a tres bacins principals : lo bacin de Yamato situat al sud-èst de la mar de Japon ; lo bacin de Japon al nòrd ; lo bacin de Tsushima al sud-oèst. Lo bacin de Japon es la region pus prigonda de la mar, alara que las aigas mens prigondas se tròban dins lo bacin de Tsushima.

Suls ribatges orientals, los platèus continentals de la mar son largs, mas suls ribatges occidentals, al long de la còsta coreana, son estreches, amb en mejana 30 km de larg. L'aiga cauda de la mar contribuís al clima doç de Japon.

Lo nòrd e lo sud-èst de la mar son los sectors mai rics per la pesca. L'importància de la pesca en mar es plan illustrada per las reclamacions mutualas sus Dokdo per Japon e la Corèa del Sud. La mar es tanben importanta per sos minerals, l'arena de magnetita, son gas natural e lo petròli.

Bregas sul nom[modificar | Modificar lo còdi]

En Corèa del Sud, aquela mar es nomenada la "mar de l'Èst" (동해; 東海, Donghae) e en Corèa del Nòrd, la "mar Orientala de Corèa" (조선동해; 朝鮮東海, Joseon Donghae). Dins los autres païses, es nomenada la "mar de Japon". En japonés, Nihonkai (日本海), en chinés Rìběnhǎi (日本海) e en rus Iaponskoie more (Япо́нское мо́ре). E mai aquesta apelacion siá contestada per las doas Corèas, la "mar de Japon" es lo nom oficial retengut per l'Organizacion Idrografica Internacionala en 1928 e per l'Organizacion de las Nacions Unidas.

Dins lo passat, s'es apelada indistintament "mar de l'Èst", "mar de Corèa", "mar de Japon" e "mar Orientala". A partir del sègle XIX l'apelacion de "mar de Japon" es devenguda predominanta sus las mapas geograficas.

Dempuèi los ans 1990, Corèa, encara fòrça patacada per l'imperialisme japonés, milita per far remplaçar l'apelacion de "mar de Japon" per lo tèrme de "mar de l'Èst". De notar que dins mantuna lenga europèa, es la mar Baltica qu'es sonada "mar de l'Èst" (Ostsee en alemand, Oostzee en neerlandés, etc.).

Referéncias[modificar | Modificar lo còdi]

  1. North Korea and Russia and is referred to in South Korea as the East Sea. S Korea bid to solve sea dispute,(2007-01-08), BBC News:South Korea calls it the East Sea [1]
  2. Report on the Progress in Consultations on the Naming of the Sea Area between the Korean Peninsula and the Japanese Archipelago,(2007-08-30), Ministry of Foreign Affairs and Trade (South Korea):the sea area has been consistently called "East Sea" in Korea [2] (2008-02-17)