Magia simpatica
Un article de Wikipèdia, l'enciclopèdia liura.
La magia simpatica es una teoria o una ipotesi sus la significacion de l'art preïstoric; es la cresença en l'obtencion de resultats favorables a travèrs de la pintura rupèstre e de la magia o los esperits.
Atal, quand se pintava un animal ferit, la magia simpatica feriá l'animal real e la caça èra alavetz pus aisida. Se pintavan tanben las femnes amb d'ancas amplas e de popas grandas (simbòls de la maternitat), per la cresença qu'aquelas se farián pus fertilas.
[modificar] La societat pendent lo Paleolitic
Pendent lo Paleolitic la societat se compausava de caçaires-culheires d'economia de subsisténcia. Per aquò, l'obtencion de noiriduras èra fòrça importanta.
Las pinturas rupèstres se trapan dins de luòcs de accès malaisit e fòrça amagadas. Se pòt excludir la possibilitat qu'aquestas pinturas àjan agut una tòca decorativa mas mantuna tòca magica, pr'amor que aquelas representan unas scenas de caça. En consequéncia, en realitat l'animal sofriá, per efècte de la magia simpatica, la meteissa plaga que la de l'animal pintat. Possedir l'animal pintat supausariá de possedir l'animal real.
De la meteissa manièra, la representacion de la figura femenina exprimís un desir de fertilitat e d'aparament vèrs la maire.
[modificar] Significacion de l'art rupèstre
L'art parietal (manifestacions realizadas subre parets, teches e sòls de balmas) aviá mantun ligam a l'espiritualitat e las balmas èran de santuaris. S'es prepausat, al delà de la magia simpatica, que las representacions artisticas correspóndon a de cresenças totemicas e a de rites de fertilitat. Los animals foguèron los mai utilizats mas tanben apareisson de signes e de formas umanas. Probablament las representacions signifiquen pas totas l'obtencion de noiriduras mas unes autres besonhs.
Los animals mai representats son lo predecessor salvatge del caval, seguit pel bisont, l'ur, la cabra pirenenca e lo rangièr. Entre los simbòls utilizats se tròban la puntuacion en seria, las linhas cortas verticalas, rectangles e vulvas (ovals doberts amb d'una linha centrala) e se crei que los simbòls emplegats avián tanben una tòca magica. Las figuras umanas se representan nudas.
