M4 Sherman

Un article de Wikipèdia, l'enciclopèdia liura.
Anar a : navigacion, Recercar

Lo carri M4 Sherman es un carri mejan nòrd-american de la Segonda Guèrra Mondiala. Foguèt desvolopat per remplaçar lo M3 Lee qu'èra pas capable de rivalizar ambé lei carris alemands. Intrèt en servici en 1942 e participèt a la Segonda batalha d'El Alamein. Quasiment 50 000 unitats foguèron produchas e lo M4 equipèt pauc a pauc totei leis armadas aliadas. Demorèt en servici fins a 1955 dins l'armada estatsunidenca. Au començament dau sègle XXI, contunia d'equipar certaneis armadas coma aquela de Paraguai.

Ben adaptat a una produccion importanta per l'industria american, lo M4 foguèt utilizat sus totei lei teatres de la guèrra. En Asia, aguèt aisament l'avantatge sus lei carris leugiers japonés. En revènge, en Africa o en Euròpa, èra fòrça inferior ai carris alemands en causa de la manca de poissança de fuec de son canon e de sa autor importanta. Unei versions foguèron desvolopadas per assaiar de melhorar aquela situacion sensa resòuvre completament lo problema. En particular d'esfòrç foguèron fach per lei anglés per aumentar la poissança de fuec dau M4, en i montant lor canon de 17 liuras, sol capable de traucar lo blindatge dei Panthers e Tiger I alemands. Aqueu exemplari èra conegut sota la denominacion de Sherman Firefly.

Après la Segonda Guèrra Mondiala, participèt a la Guèrra de Corèa. Maugrat de modernizacions que li permetèron de resistir ai carris sovietics, se mostrèt inferior ai carris T-34/85 d'origina sovietica chinés e coreans. Enfin, Israèl l'utilizèt fins ais annadas 1970 amb una modernizacion dau canon. Foguèt utilizat en nombre important còntra de blindats enemics (T-34 e T-55) en nombre reduch e obtenguèt de resultats corrècts mai foguèt pauc a pauc retirat dau servici e plaçats dins d'unitats de resèrva.

Caracteristicas[modificar | modificar la font]

M4 Sherman: comparason deis diferents modèus produchs
Designation Armament principal Chassís Motor
M4(105) 105 mm howitzer soudat gasoline Continental R975 radial
M4 Composite 75 mm davant motlat costats soudats gasoline Continental R975 radial
M4A1(76)W 76 mm motlat gasoline Continental R975 radial
M4A2 75 mm soudat diesel GM 6046 (2x6-71 inline)
M4A3W 75 mm soudat gasoline Ford GAA V8
M4A3E2 "Jumbo" 75 mm (some 76 mm) soudat gasoline Ford GAA V8
M4A3E8(76)W "Easy Eight" 76 mm soudat gasoline Ford GAA V8
M4A4 75 mm soudat alongat gasoline Chrysler A57 5x6-cyl inline
M4A6 75 mm davant motlat costats soudats alongat diesel Caterpillar D200A radial


Copa transversala[modificar | modificar la font]

M4A4 cutaway.svg
  1. Anèu de levatge
  2. Ventador
  3. Trapa de torreta
  4. Periscòpi
  5. Trapa de torreta
  6. Sèti de torreta
  7. Sèti dau tiraire
  8. Sèti de torreta
  9. Torreta
  10. Filtre d'aire
  11. Cabucèu d'empliment dau radiator
  12. Filtre d'aire
  13. Motor
14.Tudèu d'escapament
15.Roda libra
16.Pompa d'aiga
17.Radiator
18.Generator
19.Aubre de transmission part arriera
20.Panièr de torreta
21.Anèu
22.Aubre de transmission part avant
23.Suspension de bogie
24.Transmission
25.Pinhon d'entraïnament principau
26.Sèti dau menaire
27.Sèti dau mitralhaire