Luigi Cherubini

Un article de Wikipèdia, l'enciclopèdia liura.
Anar a : navigacion, Recercar
Luigi Cherubini
Luigi Cherubini2.png
Profession: compositor, director deu Conservatòri de París
País: Bandiera del granducato di Toscana (1562-1737 ).gif Gran Ducat de Toscana
Estil: classic
Data de neishença: seteme de 1760
Lòc de neishença: Flrorença, Gran Ducat de Toscana
Data de decès: 15 de març de 1842
Lòc de decès: París, França


Luigi Cherubini (Florença, seteme de 1760París, lo 15 de març de 1842) que ho un compositor italian vadut francés d'estil classic. que ho tanben director deu Conservatòri de París.

Que comencè a estudiar la musica dab lo son pair qui èra mèste de clavecin e tot vàder mainatge precòç. Lo grand duc de Toscana que paguè entà la seguida deus sons estudis a Bolonha e Milan. Que compausè opèra, notament dab libretistas com lo famós Metastasio, en Itàlia puish que deishè lo son país. En 1785 que s'anè a Londres puish a parís on e ho presentat a la reina Maria Antoneta d'Àutria. Acerà que compausè lo son opèra Démophon qui conegó un gran succès e que ho nomat director de Teare de Mossur dens las Tulerias.

Durant la Revolucion Francesa Cherubini qu'avó d'estujar lo succès qu'avèva gaudit auprès deu public aristocratic, abans de tornar en gràcia devath lo Purmèr Empèri e tanben durant la Restauracion.

En 1822 que ho nomat director deu Conservatòri de París çò qui'u miè a quauques conflictes dab lo joen Hector Berlioz qui'u pintre com ua persona antipatica dens los sons Memòris. A maugrat d'aquò qu'èra hèra arrespectat (notament per Ludwig van Beethoven) e que ho un amic de Gioacchino Rossini, de Frédéric Chopin e d'Ingres (pintre professionau e musician amator mentre qui Cherubini b'èra l'invèrs).

Qu'ei sepelit dens lo cemitèri deu Père Lachaise.