Los Secrets dau Diable

Un article de Wikipèdia, l'enciclopèdia liura.
Anar a : navigacion, Recercar


Los Secrets dau Diable contats en patoàs per un Paludèir de Begla es libre anonime en gascon bordalés en [b] (orientau), datant probable dau XIX° siègle. Es excepcionau per mantas rasons : lo hèit que sigue escriut en pròsa (la majoritat daus autors bordalés escrivent en vèrs) ; sa longor ; son vocabulari rishe contrastant damb las òbras de Mèste Verdièr.

La permèira partida, intitolada Los Secrets dau Diable, se desrotla a Virambits, dens la comuna de Begla. Conta las aventuras e los turments dau Crestaire, sorcièr e volur, amorós de la Brutlòta, una auta sorcièra. Un pilòt de personatges son mis en scèna, tots damb shafres tau coma Grenguilha, Shiulachòc, Gautavoita... A la fin, lo Crestaire s'empoisona e, dens son testament, torna los bens qu'a darraubats au curè en hadent creire que los a recaptats autament - lo considèran lavetz coma un sent - ; la Brutlòta esposa Shiulachòc.

La segonda partida, intitolada La Galipòta, se desrotla a Cauderan. Lo marquís de Ratapont es hèit cornard per mossur Polidòre mès un aut es mauhidat. Una istuèra on se mèilan tanben la politica e lo surnaturau.