Lo Prince

Un article de Wikipèdia, l'enciclopèdia liura.
Anar a : navigacion, Recercar
Machiavelli Principe Cover Page.jpg
Retrach postum de Nicolau Maquiavèl. Palazzo Vecchio. Florença

Lo Prince (Il Principe(it) o De Principatibus (la)) es un tractat de politica escrich per Nicolau Maquiavèl (1469 - 1527). L'òbra, escricha en 1513, interrompèt temporàriament la redaccion dels Discorses sul primièr decenni de Titus Livi, e completada mai tard lo primièr semestre de 1514; foguèt dedicada a Laurenç II de Medici que tanben dediquèt lo darrièr capítol (XXVI), escrich possiblament per lo pregar de liberar e d'unificar politicament Itàlia. Lo Prince foguèt publicat postumament en 1532 e representa una estapa importanta dins lo desvolopament d'una concepcion realista de la politica. L'òbra foguèt considerada coma lo punt de despartir de la sciéncia politica modèrna que Maquiavèl, se fondant sul naturalisme renaissentista, trenca amb la dependéncia de la politica amb la morala, la religion o a l'idealizacion e realiza un analisi e descripcion de la societat que se basa sus la realitat efectiva, segon de principis realistas e immanents.

Tèsi politica del Prince[modificar | modificar la font]

Malgrat las conviccions republicanas de Maquiavèl, Lo Prínce defend una tèsi absolutista del poder politic, coma solucion a la flaquesa e fragmentacion dels pichons Estats italians per que pòscan far front als poderosas monarquias francesa e espanhòla. Es dins aquel contèxte que cal interpretar la figura del prince nòu que demanda un Estat nacional Italian de fòrta coesion.

Estructura de l'òbra[modificar | modificar la font]

Es dividida en quatre partidas principalas:

  • Capítols I-XI: Cossí advenisson e cossí domòran los principats, sobretot l'interessan los principats nòus. Dins lo capítol IX fa referéncia als principats eclesiastics e mòstra lo seu mesprètz per la politica temporala de la Glèisa (Lo libre demorèt de contunh a l'Indèx dels libres proïbits per l'Inquisicion [1]).
  • Capítols XII-XIV: Sul problèma de la securitat e las armas, las considèra indispensablas e que lo prince siá al front de l'armada.
  • Capítols XV-XXIII: Comportament del prince al respècte dels subjèctes e amics. Fa una politica realista conscient que las aparéncias son sovent mai efectivas que la veritat, que, avegadas la morala se cal daissar de costat (al favor dels interesses collectius que lo governant deu de donar sobretot e sens èsser odiat pel seu pòble.
  • Capítols XXIV-XXVI: Estudia la situacion contemporanèa de l'Itàlia de la seuna epòca per n'assegurar lo reviscòl. Dins aquel aspècte la posteritat se trufèt de Maquiavèl, considerant que el, "l'oportunista", "lo maquiavelic", pretendava pas vertadièrament descriure la politica, mas unicament crear "una aisina" per l'Itàlia oprimida pels estrangièrs (e non pas un escrich vertadièrament dedicat a totòm que vòlga ne far usatge, es a dire, a tota l'umanitat).

En definitiva encara que Maquiavèl dota pas de la validitat de la morala, la subordona a las finalitats de l'Estat. Pasmens destaca que lo prince no es lo mèstre del principat mas lo seu servitor. Maquiavèl vei un modèl contemporanèu de l'Estat nòu dins la figura de Cesar Borgia.

Vejatz tanben[modificar | modificar la font]

Referéncias[modificar | modificar la font]

  1. Nouus index librorum prohibitorum et expurgatorum