Loís Deucòs de Hauron

Un article de Wikipèdia, l'enciclopèdia liura.
Anar a : navigacion, Recercar
Fotografia de Loís Deucòs en 1910

Loís Deucòs de Hauron (en francés Louis Ducos du Hauron; Langon, 8 de decembre de 1837 - Agen, 31 d'agost de 1920) foguèt un sabent e artista occitan, un dels inventors de la fotografia en color en 1869 amb lo lengadocian Carles Cròs.

Biografia[modificar | modificar la font]

Loís Deucòs nasquèt en 1837 dins una familha de notables gascons. Estudièt la musica e las arts e venguèt un pianista virtuós quand aviá pas que 15 ans. S'interessèt a divèrses aspèctes de la sciéncia e publiquèt un memòri sus las sensacions luminosas en 1857. Cinc ans mai tard, en 1863, editava un tractat que portava la "solucion fisica del problèma de las colors per la fotografia".

Loís Deucòs depausèt mantun brevet sur la reproduccion dels sons e dels images. Pasmens es conegut mai que mai per son invencion de la tricromia (procediment de fotografia e d'impression policròm), per la fotografia en color. Inventèt los anaglifs, que patentèt lo 15 de setembre de 1891, d'imatges que restituisson l'impression de relèu quand s'agachan amb de lunetas verd-rojas. Los fraires Lumière desvolopèron mai los procediments de Deucòs per crear la fotografia modèrna.

Una de las primièras fotografias en color[modificar | modificar la font]

Fotografia d'Agen presa en 1877 per Loís Deucòs de Hauron.