Loís Bellaud

Un article de Wikipèdia, l'enciclopèdia liura.
«Loís Bellaud» sembla tractar d'arguments fusionables amb la(s) pagina(s) «Loís Belaud de la Belaudiera» (vejatz la discussion).



Retrach de Loís Bellaud

Loís Bellaud de la Bellaudièra es un poèta occitan del sègle XVI nascut en 1543 a Grassa e mòrt en 1588.

Biografia[modificar | Modificar lo còdi]

Engatjat dins l'armada en 1572, daissèt Provença per embarcar sus una nau de guèrra al pòrt de Bordèu. L'expedicion anava contra los interesses de l'enemic espanhòl, mas lo Chaple de Sant Bertomieu arrestèt l'aventura e França dintrèt en guèrra civila. Bellaud foguèt fach presonièr sul camin del retorn e empresonat per des rasons encara pas gaire conegudas dins la vila de Molins. Pendent los dètz e nòu meses de preson compausèt lo primièr recuèlh de sonets, "Obros et Rimos".

Bellaud, fòrça influenciat per la poesia barròca e manierista, per l'univèrs dels "canzonieri", escriu la nostalgia de las jovas annadas, en provençal, lenga qu'onora de sos sonets e que ne prenguèt la defença. A sa sortida de preson, foguèt aculhit a la cors del governaire de Provença, Enric d'Engolèime, ont encontrèt de poètas e òmes de letras.

Sas òbras foguèron reculhidas, per Pèire Paul, l'oncle de sa femna. Foguèron editadas après sa mòrt, en 1595. Foguèt lo primièr libre estampat a Marselha jol reialme efemèr de Loís D’Ais e Charles de Casaulx.

Òbras e edicions[modificar | Modificar lo còdi]

  • Òbras e rimas provençalas
  • Obros et rimos provenssalos (1595), Mascaron, Marselha ; nòva edicion, Laffitte, Marselha, 1974
  • Dondon infernau
  • Passa-temps
  • Baroques occitans, Anthologie de la poésie en langue d'oc, 1560-1650, Estudis occitans, 2002

Sonet d' Òbras e rimas provençalas (grafia originala)[modificar | Modificar lo còdi]

Coumo plezer de nouueu amassar,
Fa souuenir la doulour qu'és passado,
Coumo doulour de nouueu amassado,
Fa souuenir lo plezer qu'és passat.

Vela perque eyssi you ay trassat,
Ben de plezers una pichota ardado,
Et de doulours une pleno tinado,
Qu'a crebo-couor lo detsin m'a brassat,

Per un plezer millo doulours tirasso,
L'home que vou emplegar sa vidasso,
A cent hazars per lo Diou Mars seguir,

Perque ligent ma rimo trop groussiera,
Planhe (Letour) un pau Belodiero,
Que de pendus a tort lan fach langui.

Notas e referéncias[modificar | Modificar lo còdi]


Bibliografia[modificar | Modificar lo còdi]

  • Augustin Fabre, Louis Bellaud de la Bellaudière, Poète provençal du XVe siècle, V. Boy, Marseille, 1861
  • Léon Vérane, Bellaud de la Bellaudière ou un "Arquin" provençal au XVIe siècle, étude sur la vie et l'œuvre de ce poète provençal, suivi d'un choix de ses poèmes avec traduction française, Facettes, Toulon, 1927
  • August Brun, Bellaud de la Bellaudière, poète provençal du XVIe siècle, Aix-en-Provence, 1952 ; réédition, Laffitte, Marseille, 1974
  • Charles Camoury, "Bellaud et la Pléiade", in Annales de l'Institut d'études occitanes, p. 54-57, 1960
  • Robert Lafont, "La situation des langues dans l'œuvre de Bellaud de la Bellaudière", in Bulletin de l'Association d'étude sur l'humanisme, la réforme et la renaissance, n° 15, p. 63-70, 1982
  • Louis Bellaud de la Bellaudière (1543?-1588), Actes du Colloque de Grasse, 8-9 octobre 1988, Association historique du Pays de Grasse, 12 articles réunis par Georges Gibelin  ; analyse de S. Mazurelle, in Bulletin de l'Association d'études sur l'humanisme, la réforme et la Renaissance, 1994, numéro 39, p.114-117.
  • Sylvain Chabaud, Louis Bellaud de la Bellaudière : Obros et Rimos (Sonnets et autres rimes de la prison, 576 p., Presses universitaires de la Méditerranée, 2011 ISBN 978-2-84269-912-3Error d'escript : lo modul « check isxn » existís pas.
  • Josef Prokop, "Bellaud de la Bellaudièra et les troubadours de Jehan de Nostredame ?", in Écho des études romanes, Université de Bohême du Sud, p. 27-32, volume VIII, n° 2, 2012 (ISSN 1804-8358) (Online).

Liegams extèrnes[modificar | Modificar lo còdi]