Lionel Buannic

Un article de Wikipèdia, l'enciclopèdia liura.
Anar a : navigacion, Recercar

Lionel Buannic, o tanben en breton Lionel Buanig (País Bigoden, 24 de novembre de 1972) es un jornalista e entrepreneire breton. Aqueste fondador de la societat Krouiñ que participèt activament al foncionament de la television bretona, TV Breizh, lancèt lo 20 de decembre de 2013 la primièra television publica occitana per Internet, Òc Tele.

Biografia[modificar | modificar la font]

Lionel Buannic nasquèt en país bigoden en 1972 dins una familha modèsta de lenga bretona, d'un paire marin e d'una maire emplegada dins la collectivitat locala. Abalit en francés, comencèt a s'interessar al breton durant son adolescéncia. A 17 ans comencèt a trabalhar dins una ràdio a Kemper. Estudièt las sciéncias politicas a Grenòble e faguèt puèi una escòla de jornalisme a Bordèu. Tre 1996 anèt trabalhar a France 3 ont demorèt quatre ans abans d'integrar en 2000 TV Breizh que ne foguèt durant cinc ans lo cap redactor.

En 2006 quand partiguèt de TV Breizh s'installèt a Etel ont creèt la societat LB Krouiñ/LBMessage et Médias per formar e conselhar las gents dins lo domeni de la comunicacion. Montèt mai tard sus Internet lo canal Brezhoweb.