Lengas oceanianas
Un article de Wikipèdia, l'enciclopèdia liura.
|
||||||||||||
|---|---|---|---|---|---|---|---|---|---|---|---|---|
Las lengas oceanianas son, segon la definicion donada pels comparatistas a aquesta expression, siá una familha de lengas a pròpriament parlar (cf. oceanian infra), mas tanben lo recampament de las lengas autoctònas d'Oceania. Los comparatistas apassionats de classament en tot genre ne distinguisson segon los cases dos o tres gropes.
- Las lengas papó parladas entre autras sus las nautas tèrras de Nòva Guinèa e qualques illas de l'actuala Indonesia. La màger part dels lingüistas classan las lengas aborigènas d'Austràlia dins un grop a despart. Lo nombre important d'aquestas lengas (environ 900 amb las variantas dialectalas) dont fòrça son mòrtas e lo pauc de coneissenças que se ne pòt aver rendon çaquelà azardosa tota conclusion definitiva.
- las lengas austronesianas dont l'extension cobrís una partida de l'Asia del Sud-Èst, Madagascar e tot lo Pacific insular de las còstas orientalas de Nòva Guinèa fins a l'illa de Pascas.
Aquestas lengas austronesianas se devesirián apuèi en quatre mentre que de divergéncias existisson encara entre los especialistas d'aquestas questions, tant plan sul classament coma sul nom de balhar a aquestes sosgropes. Per simplificar, i auriá (e lo condicional s'impausa):
- las lengas formosanas (devesidas en Atayalic, Tsouic e Paiwanic)
- lo malaiopolinesian occidental (lengas de las Filipinas, indonesian, malgash...)
- lo malaiopolinesian central (Timòr Èst, Molucas)
- lo malaoopolinesian oriental tanben designat sosgrop oceanian o oceanic. Cèrts lingüistas van classar a part las lengas parladas sus las còstas orientalas de Nòva Guinèa, de las autras lengas del Pacific insular.
