Labrador (region)

Un article de Wikipèdia, l'enciclopèdia liura.
Anar a : navigacion, Recercar

Labrador es la region continentala atribuida a la província de Tèrranòva e Labrador, pel comitat judiciari del Conselh privat de Londres. Mas, un confit frontalièr demora entre aquela província e Quebèc. La centrala de Churchill Falls e la poténcia territoriala en energia idroelectrica n'es lo simbòl. D'una part, un drech exclusiu e majoritari es acordat a la província atlantica respectivament de proprietat del territòri e de la centrala. Mai, d'un ponch de vista constitucional e geografic, Quebèc ten l'usufruch segon dos jutjaments de la Cort Suprèma de Canadà en 1984 e 1988.

Labrador es separat de l'illa de Tèrranòva per l'estrech de Belle-Isle. La region es una part de la peninsula de Labrador (que sa region costièra es de còps que i a tanben nomenada Markland, « tèrra de fusta » en noroèc).

Labrador a una populacion de 27 860 abitants (2001) que 30 % d'entre eles es d'origina autoctòna (Inuit, Innu e Mestís), espandida sus la superfícia de 294 330 km² tant granda coma Itàlia, o Nòva Zelanda. S'i tròba una pichona comunautat francofòna d'origina quebequesa e acadiana, venguda dins las annadas 1960 per trabalhar dins l'expleitacion minièra.

Istòria[modificar | modificar la font]

Un procès davant lo Conselh Privat a Londres, que durèt de 1922 fins a 1927, desavantatgèt fòrça Tèrranòva, que fasiá pas encara part de Canadà. Quebèc tostemps contestèt aquela decision dempuèi aqueste epòca. Al moment de sa dintrada dins la Confederacion canadiana, en 1949, Tèrranòva exigiguèt que la frontièra de 1927 faguèsse part integranta de la Constitucion.

La pretension de Quebèc es pasmens pas tant importanta coma autrescòps. La sola pretension mantenguda pel govèrn uèi es una definicion diferenta de la frontièra sud entre Labrador e Quebèc qu'apareis sus las mapas geograficas en Quebèc.

Projècte de scission amb Tèrranòva[modificar | modificar la font]

Una Comission reiala en 2002 revelèt una insatisfaccion fòrta dels Labradorians al subjècte de lor seuna plaça dins la Providéncia de Tèrranòva e Labrador e doncas una pression naissenta d'unes per que Labrador se dessepare de Tèrranòva e que se faga un territòri despartit.

Los Innus aimavan mai que lo territòri venga lor patria coma Nunavut es pels Inuits; una resolucion de l'Assemblada de las Primièras Nacions en 1999 reclamèt Labrador coma patria dels Innu e exigiguèt sa reconeissença formala abans tota discussion constitucionala ulteriora sus la region.

Dempuèi 2005, los Inuits que vivon dins lo nòrd de Labrador tenon drech a un regim de govèrn autonòm dins una region nomenada Nunatsiavut ("nòstre bèl país"), que compren tot lo nòrd de Labrador e mai qualques regions dins las latituds centralas.