Jules Bergeret

Un article de Wikipèdia, l'enciclopèdia liura.
Jules Bergeret

Jules Henri Marius Bergeret (Gap, 1830 - New York, 1905) foguèt un membre e generau de la Comuna de París. Foguèt engatjat dins l'armada francesa de 1850 a 1864. Durant lo sètge de París de 1871, venguèt capitani dau 8en batalhon de la Gàrdia Nacionala e membre de son Comitat Centrau. Lo 22 de març de 1871, reprimiguèt la manifestacion dei partisans de Thiers e foguèt elegit membre de la Comuna lo 26 dins la Comission Executiva. Venguèt generau e participèt a la sortida còntra Versalhas lo 3 d'abriu. I dirigiguèt lei Federats mandats contra Rueil e foguèt desfach. Lo 6, una autra ataca de l'armada de Versalhas contra Neuilly se terminèt per una desfacha per lei Comunards. Entraïnèt son remplaçament per Dombrowski sus aqueu frònt. Foguèt tanben empresonat dau 8 au 20 d'abriu. Pendent la Setmana Saunosa, participèt a l'incendi dei Tuileries. Condamnat a mòrt, s'enfugiguèt a Nòva York.

Liames intèrnes[modificar | Modificar lo còdi]

Bibliografia[modificar | Modificar lo còdi]

Nòtas e referéncias[modificar | Modificar lo còdi]