Josse Lieferinxe
|
Josse Lieferinxe
| |
|---|---|
 | |
| Sant Miquèl qu'aucís lo drac, entre 1493 e 1505 (Musèu del Palais Pichon d'Avinhon). | |
| Nom de naissença | Josse Lieferinxe |
| Naissença | desconeguda Diocèsi de Cambrai, benlèu a Enghien o Lieferinge |
| Decès | Entre 1505 e 1508 Avinhon |
| Nacionalitat | Flamenc nascut jol règne del Duc de Borgonha, puèi francés |
| Activitat(s) | Pintor |
| Formacion | Escòla òlandesa |
| Movement artistic | Escòla picturala d'Avinhon |
| Òbras reputadas | Vida de Sant Sebastian, Sant Miquèl aucisent lo drac, Santa Caterina, Crucificion |
| Illustracion : Sant Miquèl qu'aucís lo drac, entre 1493 e 1505 (Musèu del Palais Pichon d'Avinhon). | |
Josse Lieferinxe (actiu entre 1493 e 1503-08) foguèt un pintre francés originari de Flandra. Foguèt un dels pintres màgers d'aquel movement pictural de la fin del sègle XV apelat escòla d'Avinhon, pr'amor que sos pintres demoravan en Avinhon o dins los alentorns.
Josse Lieferinxe es uèi identificat al Mèstre de Sant Sebastian, conegut per aver pench un retable sus la vida de Sant Sebastian.
La suá vida[modificar | Modificar lo còdi]
Josse Lieferinxe es, segon las melhoras probabilitats, nascut dins lo diocèsi de Cambrai, en Hainaut, dins la Belgica actuala. Aqueste païs fasiá partit dèus territòris del Duc de Borgonha. Un document ditz qu'èra originari d'una borgada apelada Engure qu'es identificada al vilatge actual d'Enghien. Aquela teoria es corroborada pel fach que lo seu nom, Lieferinxe, rapèla lo nom del vilatge essent dins lo vesinatge immediat : Lieferinge.
Quand lo retrobam a Avinhon e en Provença pus tard, dins las annadas 1490 e 1500, Lieferinxe i es conegut coma pintre picard o neerlandés. Coma mantuns autres - Enguerrand Quarton o Bartolomieu d'Eyck per exemple -, Lieferinxe es un pintre flamenc o venent de l'Euròpa del nòrd e que foguèt atrach en Avinhon per la granda activitat artistica de la region d'aquel temps. En 1503, esposèt Miquèla Changenet, filha del pintre Joan Changenet qu'èra alavetz un grand mèstre de la pintura en Avinhon. Es possible que Lieferinxe poguèsse aver perfeccionat son art dins lo talhièr de Changenet. Lieferinxe es senhalat coma defuntat en 1508, e la darrièra mencion d'el vivent remonta a 1505. Podèm pensar qu'es mòrt entre 1505 e 1508.
Identificacion al Mèstre de Sant Sebastian[modificar | Modificar lo còdi]
Un pintre de la region, autor d'un retable sus la vida de Sant Sebastian e presentant de particularitats plan similàrias amb Lieferinxe dins la tecnica picturala o dins lo dessenh, e que los amators de pintura apelavan lo Mèstre de Sant Sebastian, foguèt identificat coma Josse Lieferinxe per l'expert Charles Sterling.
Galariá d'òbras[modificar | Modificar lo còdi]
-
Sant Miquèl aucisent lo drac, pintura sus pan de fusta, Musèu del Pichon Palais d'Avinhon. -
Santa Catarina d'Alexandria, pintura sus pan de fusta, Musèu del Pichon Palais d'Avinhon.. -
Crucifixion, Musèu del Louvre. -
Sant Sebastian que prega en intercession per las victimas de la pèsta, Walters Art Museum (Baltimore). -
Romius davant la tomba de Sant Sebastian, Galariá nacionala d'art ancian de Roma.
