José Bonifácio de Andrada e Silva

Un article de Wikipèdia, l'enciclopèdia liura.
Anar a : navigacion, Recercar
José Bonifácio de Andrada e Silva
Jose bonifacio de andrada e silva.jpg
Profession: òme politic e naturalista
País: Brasil
Data de naissença: 13 de junh de 1763
Luòc de naissença: Santos, São Paulo, Brasil
Data de decès: 6 d'abril de 1838
Luòc de decès: Niterói, Rio de Janeiro, Brasil


José Bonifácio de Andrada e Silva (n. 1763, m.1838), naturalista, òme politic, poèta e maçon, foguèt una figura importanta de la politica brasilièra al començament del sègle XIX.

Filh d'un òme ric (lo segond pus ric de Rio de Janeiro), estudièt lo Drech a l'Universitat de Coïmbra. Estudièt las òbras de Montesquieu, Rousseau, Voltaire, Locke e Virgili. Aviá un fòrt sentiment d'admiracion per l'independéncia dels Estats Units d'America.

En Brasil foguèt amic e conselhièr del primièr emperaire de Brasil, Pèire I. Dempuèi l'independéncia, José Bonifácio foguèt nomenat Ministre de l'Interior e dels Afars Estrangièrs. A l'ocasion de la convocacion de la primièra Assemblada Constituenta foguèt elegit deputat. Aprèp la dissolucion de l'Assemblada per l'emperaire, José Bonifácio s'exilhèt en França.

En 1829, l'emperaire Pedro I permetèt son retorn en Brasil. Quand Pedro I demissionèt en 1831, declarèt José Bonifácio tutor de son filh, Pedro de Alcântara, qu'aviá solament cinc ans.

José Bonifácio moriguèt dins la ciutat de Niterói en 1838, a 75 ans. Dins l'istòria de Brasil, es reconegut coma lo Patriarca de l'Independéncia, per sa defensa de l'ideal del Brasil independent.

Coma geològ, descobriguèt la petalita, mineral de liti, a la fin del sègle XVIII, en Suècia.