Joana d'Anglatèrra (1165-1199)

Un article de Wikipèdia, l'enciclopèdia liura.
Anar a : navigacion, Recercar
Pagina d'ajuda sus l'omonimia Pels articles omonims, vejatz Joana d'Anglatèrra.
Joana e son fraire Ricard Còr de Leon encontran Felip August, enluminura cap a 1230, Biographical Historia Anglorum

Joana d'Anglatèrra, foguèt reina de Sicília puèi comtessa de Tolosa.


Biografia[modificar | modificar la font]

Nasquèt en 1165 d'Enric II, rei d'Anglatèrra e d'Alienòr d'Aquitània. Dos de sos fraires, Ricard Còr de Leon e Joan sens Tèrra, son estats reis d’Anglatèrra.

Alienòr d’Aquitània confièt son educacion a l’abadiá de Fontevraud[1].

Lo 13 de febrièr de 1177 a Palerma, esposèt en primièras nòças Guilhèm II, rei de Sicília († 1189) del qual aguèt :

Veusa, acompanhèt son fraire Ricard Còr de Leon que participèt a la Tresena Crosada en Tèrra Santa. Lo rei envisatgèt quitament de la maridar a Al-Adel, fraire de Saladin e de fisar als dos esposes lo reialme de Jerusalèm, mas Joana refusèt d'esposar un prince musulman e Saladin refusèt d'autorizar son fraire a se convertir al cristianisme, çò que metèt fin al projècte[2]. Tornat de Tèrra Santa, Ricard, qu'aviá de pretencions sus Tolosa, las poguèt pas defendre per las armas, ocupat a combatre Felip August e preferiguèt se far un aligat del comte Raimon VI de Tolosa en li balhant sa sòrre en maridatge.

Esposèt doncas, en octobre de 1196, a Roan e en segondas nòças, Raimon VI (VIII), comte de Tolosa († 1222) que n'aguèt :

Foguèt pas una comtessa passiva. En març de 1199, alara que son marit reglava un litigi en Provença, un vassal de Lauragués se revoltèt e Joana venguèt ela meteissa assetjar lo castèl. Afectat per la mòrt de Ricard Còr de Leon, lo 6 d'abril de 1199, se rendèt a Roan alprèp de son autre fraire Joan sens Tèrra, mas afeblida per son emprensa, se retirèt a Fontevrault, mainadèt una enfant mòrt-nascuda e moriguèt pauc aprèp[3].

Fonts[modificar | modificar la font]

Nòtas e referéncias[modificar | modificar la font]

  1. Martin Aurell, in Edmond-René Labande, Per un imatge vertadièr d’Alienòr d’Aquitània, paregut dins lo Bulletin de la Societat dels antiquaires de l'Oèst, 1952, p 175-234 ; reeditat amb un prefaci de Martin Aurell per la Societat dels antiquaires de l'Oèst-Geste edicions en 2005. ISBN 2-84561-224-9, p 10
  2. Modèl:Ref-Grousset-Croisades.
  3. Jean-Luc Déjean, <cite lang="Error d'escript : la foncion « còdeLenga2 » existís pas.">Les comtes de Toulouse (1050-1250), 1979 [detalh de las edicions]