Joan de l'Ors

Un article de Wikipèdia, l'enciclopèdia liura.
Anar a : navigacion, Recercar
Illustracion d'una version de Joan de l'Ors de la fin del sègle XIX

Joan de l'Ors es un dels personatges legendaris mai coneguts dins Occitània tota. Son paire, un ors dels Pirenèus, aviá capturat una femna amb la qu'aguèt un dròlle: Joan de l'Ors. Gràcias a son paire l'enfant èra d'una fòrça colossala que li serviriá mai tard dins sas aventuras.

La tematica del filh de l'ors se retròba dins un bon nombre de contes del mond e es probablament un dels tèmas mai presents de pertot. Es conegut subretot a l'entorn dels Pirenèus, en Occitània e en Catalonha (jol nom de Joan de l'Ós).

Aquesta istòria foguèt mençonada mantun còp dins l'òbra de Frederic Mistral, mai que mai dins Mirèlha.

Personatges de l'istòria[modificar | modificar la font]

Durant son viatge Joan de l'Ors trobèt dos personatges subreumans que l'acompanharàn dins sas aventuras:

  • Virapalets, un colòs que jogava al palet amb de ròdas de molin.
  • Viramontanhas, un omenàs capable de desplaçar las montanhas a còps d'espatla.

Publicacions divèrsas[modificar | modificar la font]

L'escrivan lengadocian Andrieu Lagarda publiquèt una version de Joan de l'Ors tre 1968 que coneguèt divèrsas reedicions. En 1996, Sèrgi Carles creèt un jòc de cartas basat sul conte, Los jòcs de Joan de l'Ors, per privilegiar las activitats de lengatge en occitan.