Joan Glaudi Gaudin

Un article de Wikipèdia, l'enciclopèdia liura.
Anar a : navigacion, Recercar
Joan Glaudi Gaudin

Joan Glaudi Gaudin (Marselha, lo 8 d'octobre de 1939) es un òme politic provençau e senador-cònsol de Marselha.

Ancian professor d'istòria, comencèt sa carriera politica au centre senèstra ambé Gaston Deferre avans de s'orientar a drecha ambé lei Republicans Independents e puei faguèt campanha ambé lo futur president Valèri Giscard d'Estanh. Foguèt candidat de l'UDF per lei Bocas de Ròse en 1978 e en 1981 foguèt vençut ais eleccions de cònsol de Marselha per Gaston Deferre, alora ministre.

En 1986 foguèt elegit president dau Conseu Regionau de Provença-Aups-Còsta d'Azur onte foguèt criticat per aver recebut un cèrt nombre de vòtes dau partit d'extrèma drecha Front Nacionau. En 1989 foguèt tornarmai batut ais eleccions de cònsol de Marselha, aqueu còp per Robert Vigorós.

Foguèt fin finala elegit en 1995 e reelegit en 2001. En 1995 venguèt tanben ministre de l'Amainatjament dau Territòri, de la Vila e de l'Integracion dau president Jaume Chirac.