Joan Coromines

Un article de Wikipèdia, l'enciclopèdia liura.
Anar a : navigacion, Recercar

Joan Coromines (Barcelona, 21 de març de 1905-Pineda de Mar, 2 de genièr de 1997) foguèt un lingüista catalan dels mai famoses als Païses Catalans e mai internacionalament. L'òbra lingüistica e etimologica d'aqueste erudit representa un dels monuments mai preciós de la lingüistica e l'onomastica catalana amb la publicacion de son Diccionari etimològic i complementari de la llengua catalana e de l'Onomasticon Cataloniae que compta 8 volums.

Biografia[modificar | modificar la font]

Joan Coromines nasquèt en 1905 dins una familha amonedada de Barcelona. Son paire èra l'avocat, politic e escrivan Pere Coromines i Montanya e sa maire la pedagòga Celestina Vigneaux i Cibils, d'origina gascona. Èra l'ainat dels tres enfants de la familha, sa sòrre Júlia (1910-2011) venguèt psicologa e son fraire Ernest (1913-1992) matematician.

Estudièt a la Facultat de Filosofia e Letras de l'Universitat de Barcelona, e a l'encòp seguiguèt de corses dins mantuna vila europèa entre 1925 e 1929. Visquèt aital qualque temps a Montpelhièr ont se refugièt, qu'aviá manifestat veementament son ostilitat a la dictatura de Primo de Rivera, e i coneguèt Grammont e Millardet. Anèt tanben a Madrid, ont faguèt son doctorat, e puèi a Zuric en 1929 per estudiar amb Jakob Jud. En 1930 comencèt a trabalhar a l'Institut d'Estudis Catalans e l'an seguent publiquèt sa tèsi doctorala de tematica occitana, lo Vocabulario aranés. Foguèt aquel meteis an, en 1931 qu'entamenèt l'escritura de son òbra màger, l'Onomasticon Cataloniae. Sa coneissença del basc li valguèt d'èsser nomenat academician onorari de l'Académia Reiala de la Lenga Basca en 1994.

Òbras[modificar | modificar la font]

Lenga occitana[modificar | modificar la font]

  • Vocabulario aranés (tèsi doctorala). Barcelona, 1931.
  • El parlar de la Vall d'Aran. Gramàtica, diccionari i estudis lexicals sobre el gascó. Barcelona: Curial, 1990.

Lenga catalana[modificar | modificar la font]

  • Diccionari etimològic i complementari de la llengua catalana (1980-2001).
  • Onomasticon Cataloniae (1989-1997), recopilacion e etimologia de totes los noms geografics dels Païses Catalans.

Lenga espanhòla[modificar | modificar la font]

  • Diccionario crítico etimológico de la lengua castellana (1954-1957)

Ligam extèrne[modificar | modificar la font]