Joan-Claudi Peiròt

Un article de Wikipèdia, l'enciclopèdia liura.
Anar a : navigacion, Recercar


Retrach de Claudi Peiròt

Joan-Claudi Peiròt (Jean-Claude Peyrot en francés) tanben nomenat Claudi Peiròt (Claude Peyrot en francés) (Milhau, 3 de setembre de 1709 - Palhàs, 3 d'abril de 1795[1]) foguèt un prèire e escrivan occitan qu'aviá per escais Lo prior de Pradinas. Escriguèt tanben de poesias en francés.

Biografia[modificar | modificar la font]

Nascut dins una familha borgesa, filh de Claudi Peiròt e de Claudina Materon[2], Joan-Claudi Peiròt faguèt d'estudis en çò dels Carmes a Milhau e puèi a Tolosa en cò dels jesuitas. Puèi aprenguèt lo drech fins al nivèl de la licéncia. Dintrèt en seguida al seminari e foguèt ordenat prèire lo 22 de decembre de 1736 e obtenguèt puèi una prebenda a la Basilica de Sant Sarnin a Tolosa. Lo 24 d'agost de 1748, foguèt nomenat prior de Pradinas en Roergue. Donava als pageses de leiçons de musica e apreniá d'eles fòrça elements d'agricultura. Demorèt a Pradinas fins al 22 de decembre de 1765, quand foguèt remplaçat per son fraire Alexandre. Tornèt alara dins sa vila natala, Milhau, ont foguèt aculhit qualques meses aprèp, lo 12 d'abril de 1766, dins la comunautat de prèires obituaris fins a la Revolucion Francesa. En 1790, s'installèt a Palhàs en çò de son amic François Hugla.

Bibliografia[modificar | modificar la font]

  • Poésies diverses, patoises et françaises, publicat en 1774 en Roergue
  • Les quatre Saisons, publicat en 1781 a Vilafranca
  • Œuvres diverses, publicat en 1788 a Vilafranca
  • Œuvres patoises et françaises, 3e édition, publicat en 1810 o 1811 a Milhau[3]
  • Œuvres patoises complètes, 4e édition, publicat en 1823 a Milhau
  • Œuvres patoises complètes, 5e édition, publicat en 1855 a Milhau
  • Œuvres patoises complètes, publicat en 1886 a Milhau
  • Les Quatre Saisons, publicat en 1906 a Rodés
  • Poésies Rouergates & Françaises, publicat en 1909 a Milhau

Ligams extèrnes[modificar | modificar la font]

Referéncias[modificar | modificar la font]

  1. Claude Peyrot - Poésies Rouergates & Françaises, Milhau, 1909
  2. En francés Claude Peyrot, Claudine Matheron.
  3. 1811 segon La France littéraire, ou Dictionnaire bibliographique des savants, historiens et gens de lettres de la France: ainsi que des littérateurs étrangers qui ont écrit en français, plus particulièrement pendant les XVIIIe et XIXe siècles ; 1810 segon lo libre Poésies Rouergates & Françaises de 1909