Jardins de l'Ostalàs d'Eirinhac

Un article de Wikipèdia, l'enciclopèdia liura.

Los Jardins de l'Ostalàs d'Eirinhac se pòdon visitar a Salanhac e Aivigas, en Sarladés, dins la regions istorica de Peiregòrd e lo departament de Dordonha, e son de tipics jardins «a la francesa».

Istoric[modificar | Modificar lo còdi]

Le Jardin Blanc
Le Jardin Blanc

Creats al sègle XVIII dins l'estil caracteristic dels jardins classics, lor domeni es estat transmés en eretatge pels filhs e las filhas de la meteissa familha dempuèi 500 ans: se son succedidas 22 generacions dempuèi la construccion del primièr castèl.

Durant la Fronda dels Princes al sègle XVII, en revòlta contra Mazarin, l'ancessor del proprietari actual demorèt dins lo camp leialista: las tropas del Grand Condé, en represalhas, destrusiguèron alavetz lo primièr castèl datant de la Nauta Edat Mejana.

L'ostalàs actual foguèt bastit per Antòni de Còstas de la Calpreneda al sègle XVII sus las roïnas de l'ancian repaire nòble. Los primièrs jardins se concebèron al sègle XVIII, per l'iniciativa de Loís Antòni Gabrièl de la Calpreneda (lo rèirefelen de l'Antòni): jardins «a la francesa» inspirats pels de las vilas italianas coma lo gost de l'epòca o voliá. Foguèron entièrament remanejats al sègle XIX per seguir la mòda novèla en venent un pargue «a l'anglesa».

Lo paire del proprietari actual tornar balhèt vida als jardins «a la francesa» d'Eirinhac. A partir de son inspiracion pròpria, recerquèt sul terren totas las traças del jardin ancian: murets, escalièrs, ancian bacin... e el meteis dessenhèt lo jardin talament imaginat.

Estil[modificar | Modificar lo còdi]

Las esséncias predominantas son balhadas per de teisses, de boisses, de calpres e de ciprèsses verds. L'art topiari i combina de formas geometricas, d'andanas rectilinèas, d'esculturas vegetalas, de cambras de verdura, de brodariás de boisses, de pelsòls «a la francesa»... La diversitat de las formas s'armoniza amb las linhas arquitecturalas de l'ostalàs e del domeni natural preservat (de 200 ha que l'enròda.

Son «jardin remarcable» e fan tanben partida de l'associacion «Los Pus Bèls Jardins de França».

Ligams extèrnes[modificar | Modificar lo còdi]

Wikimedia Commons prepausa de documents multimèdia liures sus L'Ostalàs d'Eirinhac.