Jain

Jain (Jeanne Galice)

La cantaira Jain sus l'empont a Tolosa, en Occitània

Jeanne Louise Galice (nescuda lo 7 de febrièr de 1992 en Occitània a Tolosa), mès coneishuda coma Jain (prononciacion en anglés : /dʒeɪn/), qu'ei una cantaira e musicaira qui viscó 6 ans a Pau (Bearn, Occitània). Lo son purmèr albom, Zanaka, que sortigó lo 6 de novémer de 2015. Que canta en anglés.

Biografia

Jeanne, hilha d'un professionau deu petròli e d'ua mestissa francomalgacha, qu'ei vaduda en 1992 a Tolosa, dins l'actuau region adminstrativa francesa d'Occitània, e qu'a donc la ciutadanetat francesa, e tanben emplega lo francés coma lenga mairala purmèra. Que seguiscó lo pair qui viatjava en lo mond tà rasons professionaus. Que viscó atau au Còngo (on aprengó a jogar guitarra e trobèi hèra influéncias musicaus) e en los Emirats Arabis Units (on aprengó las percussions). Atau, lo hèit d'aver viscut une enfància internacionala, parla l'anglés e pr'amor d'aquò, quitament Occitana francofòna, canta sonque en anglés.

Cançons

Sortida en single en 2015, sa cançon Come qu'estèc n°1 en França au mes de heurèr de 2016.

En 2018, son títou Alright estèc tanben n° 1 en França.

Pr'aquò, sa cançon la mès coneishuda, qu'avoc un quite resson internacional en 2023, qu'ei Makeba (cançon publicada ambe Come tre 2015 dins son purmèr EP Hope de 2015, mès venguda un gròs tube en 2016 en França). La dita cançon Makeba hè referéncia a la cantaira africana Miriam Makeba.

Discografia

Albom

Annada	Títou
2015	Zanaka
2018	Souldier
2023	The Fool

EP

Annada	Títou
2015	Hope

Cançons mai conegudas

• 2015 : Come
• 2015 : Makeba
• 2018 : Alright
• 2018 : Oh Man
• 2023 : The fool
• 2024 : Cosmic Love