Ismaël Lô
Ismaël Lô (en wolòf: Ismael Loo; Dogondoutchi, Nigèr, 30 d'agost de 1956) es un cantaire e musician senegalés. Es un dels artistas mai famoses de Senegal aprèp Youssou N'Dour, e coma aqueste es estat un dels popularizadors de l'estil musical senegalés conegut coma mbalax.
Encara que cantava dempuèi maites ans, subretot amb lo Super Diamono, foguèt sonque tre 1990 que sa carrièra se vegèt propulsada cap a la notorietat internacionala gràcias al títol "Tajabone", sortit de son seisen album solo, Ismaël Lô, que coneguèt mai de resson encara quand foguèt integrat a la benda sonòra del film Todo sobre mi madre del realizador espanhòl Pedro Almodóvar.
En 2002, lo govern francés lo faguèt cavalièr de la Legion d'Onor.
Discografia[modificar | Modificar lo còdi]
- Gor Sayina (1981)
- Xalat (1984)
- Xiif (1986)
- Natt (1986)
- Diawar (1988)
- Wadiour (1990)
- Ismael Lo (1990)
- Iso (1994)
- Jammu Africa (1996)
- Dabah (2001)
- Sénégal (2006)