Iniciatiua Internacionalista - Era Solidaritat entre es Pòbles

Un article de Wikipèdia, l'enciclopèdia liura.
Anar a : navigacion, Recercar

Iniciatiua Internacionalista - Era Solidaritat entre es Pòbles (II-SP) ei ua organizacion politica creada damb er objectiu de presentar era sua candidatura as Eleccions en Parlament Europèu de 2009 e de trabalhar ath delà des cites electoraus.

Aguesta candidatura ei ua coalicion d'Izquierda Castellana e Comuner@s ena qué tanben i participen candidats d'auti partits extraparlamentaris, coma Frente Popular Galega, e organizacions politiques coma Cucha Independentista Aragonesa, Corriente Roja, Iniciatiua Comunista e Lucha Internacionalista. A arrecebut tanben eth supòrt de militants malcontenti de Quèrra Unida, coma era agropacion de Bigastre, qu'a anonciat era sua gessuda de Quèrra Unida, Naua Henedura Socialista, Collectiu Republican Baish Llobregat e personatges deth mon dera cultura coma Carlo Frabetti, Santiago Alba Rico, Andrés Sorel, Javier Sádaba e Alfredo Grimaldos.

Era Cort Suprèma d'Espanha anullèc eth 16 de mai, per onze vòtes a cinc, era candidatura en Parlament Europèu en èster considerada pera Fiscalia Generau e era Advocacia der Estat coma ua formacion supausadament "pilotada" per ANV-ETA. Totun, eth Tribunau Constitucionau non a ratificat aguesta senténcia e en conseqüéncia, poderà presentar-se liurament as pròplèus Eleccions Europèes deth 7 de junh.