Hilet

Un article de Wikipèdia, l'enciclopèdia liura.
Anar a : navigacion, Recercar
Bòrd d'un vriulon dab hilet

Lo hilet (var. filet) deus instruments de musica, e mei que mei deus instruments de còrdas hregadas qu'ei ua benda de duas colors incrustada suu bòrds de la taula d'armonia e deu hons.

Lo canau deu hilet qu'ei dessenhat dab un gredon, delimitat dab un cotèth plan agusat (com un escalpèl) puish vuèitat ; la benda bicolora (hèita de duas colors de husta) qu'ei alavetz copada, trempada dab pega e incrustada dab un marteròt. Un còp la pega seca, la pèça de husta e lo filet que son curat dab ua góbia entaus lissar amassas e har semlar que hon estats hèits amassas.

Dens los còrns de l'instrument que cau copar lo filet en forma de bec de corbaish entà qui duas bendas e's pòsquin júnher. En totau, que cau copar 10 bendas de hilet (a maugrat qui, entà acabar l'instrument, e calerà copar e retirar dus tròç de hilet entà hicar e pegar lo manjo e lo silhet).

Lo hilet que pòt estar doble (tecnica qui ei estada ampliament emplegada peu laütièr Giovanni Paolo Maggini e tornada emplegar en lo bèth imitar en Euròpa Centrau au sègle XIX).

A còps, lo hilet que pòt estar simplament dessenhat, sia per economia, sia (dens lo cas d'instruments hèra ancians) per rason de non apatenença deu laütièr a la corporacion deus marquetistas.

lo hilet qu'ondra l'instrument mes qu'estanca tanben las vibracions e los trucs suu bòrd ; atau, que pòt influenciar lo son e, sustot, emparar deus trucs suu bòrd de l'instrument en bèth evitar, a còps, qui henreclin la husta de la taula d'armonia e deu hons.