Hells Angels
Los Hells Angels Motorcycle Club (literalament « Club de motò dels àngels dels infèrns ») es un club de motards, considerat coma fasent partida del crime organizat. Es necessari de possedar una motò Harley-Davidson per ne far partit. Actius dins lo mond entièr, sont amassats a l'entorn de 230 « capítols » (chapter), dins 27 païses e suls 5 continents.
Doctrina[modificar | Modificar lo còdi]
La fòrça originala del cristianisme repausa sus las nocions de paradís e d'infèrn. Los Hells Angels refusan aqueles concèptes; l'infèrn es pas un luòc ont aqueles que cometèron de crimas e de pecats greus dins lor vida terrèstra serán embarrats après la vida: l'infèrn es sus tèrra. D'aquí ven l'idèa d'un salut per la velocitat, d'aquela capacitat d'esapar a aquela vida (d'infèrn) per la motò o per de drògas.
La causida del nom e de l'emblèma del club foguèron subretot dictats per, de segur, una admiracion d'aviators de l'esquadrilha del meteis nom de la Primièra Guèrra mondiala, e que la reputacion d'irreductibles e de capbrutlats èra realizada. Dins aquel sens, Howard Hughes filmèt d'scènas de Hell's Angels sus l'aeropòrt d'Oakland en 1930.
Particularitats[modificar | Modificar lo còdi]
Son nomenats « colors » o « patchs », los emblèmas e noms dels païses, visibles sus l'esquina dels blodons de cuèr que portavan. Aquel club es regit per des règlas estrictas observadas per totes los membres, paradoxalament, de biais a garantir la libertat individuala. Los postulants passan per diferentas estapas destinadas a formar, per una partida, lo novici, que passará pels estadis de hangaround (literalament que vira a l'entorn) puèi de prospect (per une durada indeterminada), e d'autra partida, a far coneissença al mai intim, amb le novèl vengut per determinar se poirá far l'unanimitat dels membres del club que van l'aculhir. Lo novèl será lo « seguisseire » d'un membre del grop a que deurá jurar de fidelitat et deurá efectuar sus l'òrdre las tascas mai ingratas o illegalas. Pels recrutaments, utilizan tanben las preséncias mediatizadas pendent los diferents runs e a vegadas causisson « cooptar » o « destrigar » una associacion ja existissenta. L'anciana association se vei conferir, dins son entièr, lo grade de Prospect.
Lo movement es tanben nomenat « roges e blancs » en referéncia a la color de lor logo o « 81 » (L'H essent l'ochena letra de l'alfabet e A la primièra). Utilizan tanben lo simbòl chifre 13 coma tretzen letra de l'alfabet.
Una de las particularitats de la conducha dels membres de la « familha » (atal los membres nomenon lo HAMC o Hells Angels Motorcycle Club) es la presa de posicion als costas de lors fraires (atal se nomenan d'espereles) en totas circonstanças, qu'ajan tòrt o rason.
Tanben, tota prejudici a l'integritat del clan est reprimit de biais violent se cal. Foguèt en partida aquela actitud de defensa agressiva qu'explica la mala reputacion del club. Coma per totes los grops de personas, la proporcion de marginals es representativa d'una microsocietat. Revendican lo monopòli de la violéncia e lo disputan als estats que los abrigan. Entre eles se nomènon MC 1 %, l'1 % representant lo percentatge dels motards « fòra la lei » se liurant a d'activitats illegalas como le raquet e la ventz e l'usatge de produchs illicits.
Als Estats Units d'America, lo govèrn ensagèt mai d'un còp d'atudar l'activitat del club, per quin que siá biais, e fòrça proceses s'acabèron par de non-luòcs e de relaxas. Als Païses Basses e en Alemanha, tanben los govèrns ensagèron de far enebir lo movement sens capitar. Al Canadà, fòrça membres son de criminals condamnats per murtre o trafec de drògas.
En França, i a 7 capítols: París, Orleans, Colmar, en Bretanha, en Normandia, un capítol de Nomads e en Occitània lo capítol es basat a frejús.
Lo HAMC presenta un veiral legal sus internet quitament amb una botica sus eBay e utiliza de clubs HDC (Harley-Davidson Club) o MC (Moto Club) dichs « supòrts » avent l'estatut associatiu, agreats per la « familha » (HAMC), encargats de l'execucion de tascas ingratas e dels ganhs financièrs. En cas d'infraccions gravas coma lo raquet e agressions, sols aqueles darièrs an tanben de comptes a rendre e lo movement Hells Angels pòt pas èsser rendut responsable. Lo president, lo vicepresident e lo sergent d'armas (encargat de la seguretat del club) pòdon èsser ajudats per un secretari e un tresorièr, de fach lo foncionament tipic d'una associacion, organizacion non lucrativa regida per la lei de 1901, estatut utilizat a vegada per s'amagar, los gangs gravitant sovent a l'entorn de cercles mafioses: dròga, prostitucion e trafecs de tota mena...
Marcas istoricas[modificar | Modificar lo còdi]
- En 1948: creacion del primièr capítol a San Bernardino en Califòrnia (en banlèga de Los Angeles).
- En 1957: Sonny Barger fonda lo capítol d'Oakland en Califòrnia (en banlèga de San Francisco, mai al nòrd). Capìtol considerat coma le quartièr general de l'organizacion internacionala.
- decembre de 1969: Los Hells Angels son nomenats pels Rolling Stones per far la seguretat del festenal d'Altamont. Al concèrt acabar, un espectator, Meredith Hunter, sortiguèt un cotèl cap a l'empont. Alara que la fola espaurida refluís, Alan Passaro, un Hells Angel membre de la seguretat, interven e desarma lo dessenat li sasissent lo ponhet armat, e li planta dins lo naut de l'esquina, o l'espatla, al mens per dos còps. L'incident faguèt marrida la reputacion del club. Aquela scèna foguèt filmada e se pòt veire sul documentari Gimme Shelter.
- Lo 8 de març de 1971: granda batèsta entre los Hells Angels de Nòva York e los Breeds. Un àngel e 4 Breeds foguèron tuats (2 per Vincent Girolamo).
- 18 d'abril de 1981: creation del capítol Francés.Colómbia britanica.
- Agost de 1994: un rapòrt de la polícia dels pòrts de Vancouver descobrís l'existéncia d'un malhum d'importation de dròga. Segon las estimacions, los Hells Angels contraròtlavan un mercat annadièr de mai d'un miliard de dolars CA. Cap d'arrestacion ni accusacion foguèron portadas.
- En 2008 lo club festejèt los seissenta ans. Los Hells Angels son presents suls cinc continents, e an de representants gaireben dins cada país del mond.
- 2012 : Un quinzenat de membres dels Hells Angels sont arrestat en Aquitània e plaçats en detencion provisòria per associacion de malfactors en vista de cometre una extorsion en benda organizada, menaça de mòrt e detencion d'armas e de drògas sens comptar los vols de motos de tipe Harley Davidson.
Notas e referéncias[modificar | Modificar lo còdi]
Vejatz tanben[modificar | Modificar lo còdi]
Articles connèxes[modificar | Modificar lo còdi]