Hübnerita
L'hübnerita es un minerau de color negre ò jaune brun qu'a una duretat de 5,0-5,5 e una densitat de 7,1-7,5. Es formada de volframat de manganèsi (simbòl quimic : MnWO4) cristallizat segon un sistèma monoclinic de classa prismatica. Dins la natura, forma de cristaus prismatics ò tabulars. Son esclat pòu èsser metallic, resinós e, rarament, adamantin.
Aqueu minerau se troba dins lei venas de pegmatitas e dins lei venas idrotermalas de temperatura auta. En causa de sa duretat auta, resistís ben a l'alteracion e pòu donc de còps se concentrar dins de depaus sedimentaris de tipe placer. Es sovent associada a la volframita. Es de còps utilizada coma minerau de tungstèn mai aquel usatge es rar car sa concentration es sovent febla.