Gustau Benedit

Retrach de Gustau Benedit cap a 1830

Pèire Gustau Benedit (en francés Gustave Bénédit; Marselha, 7 d'abril de 1802 – Marselha, 8 de decembre de 1870) foguèt un escrivan, musician, critic e compositor occitan del país de Marselha.

Biografia

Gustau Benedit nasquèt en 1802 a Marselha, filh d'un capitani que moriguèt quand lo futur autor èra encara enfant. Veusa e sens argent, sa maire aguèt fòrça dificultats per subreviure e noirir son pichon. Comencèt a cantar dins la capèla dels Penitents Blaus de Marselha e se faguèt remarcar d'ora. Son primièr trabalh foguèt coma comís en çò de l'ostal Mendret e puèi quand lo patron moriguèt anèt trabalhar per un autre negociant del país. Quand arribèt als vint ans s'ensagèt al mond de las finanças pasmens i fracassèt pro rapidament; decidiguèt alara de s'inscriure al conservatòri de París.

Ensagèt de venir cantaire a l'Odeon mas son fisic pas pro agradiu lo portèt a s'endralhar cap a una autra carrièra. Aprèp la revolucion de 1830, trabalhèt a la prefectura de Marselha ont demorèt pas gaire de temps qu'escriguèt qualques vèrses que criticavan lo prefècte. Venguèt puèi professor al Conservatòri de Marselha. Foguèt tanben un dels redactors del Sémaphore e de la Gazette musicale de Paris. Membre de l'Acadèmia de las Sciéncias.

Annèxes

Bibliografia

•  {{{títol}}}. ISBN 978-2-9533591-0-7. 

Ligams extèrnes

• Wikidata: Q4083746

• Chichois (edicion de 1835) a Google books
• Chichois (edicion de 1876) a Gallica.fr
• Chichois au conservatòri a Gallica.fr