Un article de Wikipèdia, l'enciclopèdia liura.
La Guèrra de Pirrus en Itàlia se debanèt de 280 a 272 avC. Opausèt lei Romans a una coalicion d'estats grècs e italians dirigida per lo rèi Pirrus e la vila grèga de Tarenta. Foguèt causada per lei rivalitats comercialas e politicas entre Tarenta e Roma. Pas capabla de faciar soleta l'armada romana, Tarenta obtenguèt l'ajuda dau reiaume d'Epira dirigit per Pirrus que desbarquèt en Itàlia en 280 avC. Venceires a Heraclea en 280 avC puei a Ausculum en 279 avC, obtenguèt lo sostèn d'unei pòbles italians coma lei Samnitas. Après una campanha de Pirrus en Sicilià, lei combats reprenguèron en 275 avC e lei Romans averèron la batalha de Beneventum. Aquela retirada entraïnèt la retirada de l'armada de Pirrus en Epira. Tarenta foguèt rapidàment enviroutada e lo sètge de la vila s'acabèt per una victòria romana en 272 avC.
