Guèrra d'Ogaden

Un article de Wikipèdia, l'enciclopèdia liura.
Anar a : navigacion, Recercar


Còde QRpedia d'estampar per un accès dirècte a aquèth article
Donadas
d · m
Guèrra d'Ogaden
Picto infobox conflict.png
Informacions generalas
Picto infobox conflict.png
Data 13 de julhèt de 1977 - 15 de març de 1978
Luòc Etiopia
Eissida Victòria d'Etiopia e de seis aliats
Belligerants
Picto infobox conflict.png
Flag of Ethiopia (1991-1996).svg Etiopia

Flag of the Soviet Union (1955-1980).svg URSS
Flag of Cuba.svg Cuba
Flag of South Yemen.svg Iemèn dau Sud

Flag of Somalia.svg Somalia

Flag of Ogaden National Liberation Front(2).svg Frònt de Liberacion de Somalia Occidentala

La guèrra d'Ogaden se debanèt dau 13 de julhèt de 1977 au 15 de març de 1978 entre Etiopia, ajudada per l'URSS, Cuba e Iemèn dau Sud, e Somalia ajudada per d'insureccions situadas sus lo territòri etiopian avans lo començament dau conflicte. Foguèt entraïnada per lei revendicacions territòrialas dau govèrn de Somalia sus la region d'Ogaden situada dins la partida orientala d'Etiopia. Lo començament de la guèrra foguèt favorable ai Somalians que capitèron d'intrar sus lo territòri etiopian e 90% d'Ogaden foguèt ocupat en setembre de 1977. Pasmens, aquela progression somaliana causèt lo maucontentament d'URSS. Aliats d'Etiopia e de Somalia au començament de la guèrra, lei Sovietics chausiguèron finalament d'ajudar leis Etiopians. Cuba e Iemèn dau Sud, tanben aliats d'URSS, mandèron tanben de còrs expedicionaris en Etiopia. En particular, la participacion cubana foguèt decisiva car permetèt de contratacar lei fòrças somalianas a partir de novembre de 1977. En genier de 1978, lei linhas somalianas foguèron finalament rompudas e Somalia deguèt pauc a pauc abandonar Ogaden. Lei combats s'acabèron quand leis Etiopians e seis aliats agantèron la frontiera entre Etiopia e Somalia.

Aquela guèrra aguèt de consequéncias fòrça importantas per Somalia que son estat èra bastit sus una ideologia nacionalista desirosa de formar la « Granda Somalia ». Òr, après sa desfacha de 1978, lo regime de Mogadisho deguèt faciar una tièra de crisis — militara en causa de sei pèrdas, economica de l'esfòrç de guèrra e ideologica en causa de l'afondrament de sei revendicacions — que va entraïnar son afondrament totau en 1991.