Guèrra civila
|
||||||||||||
|---|---|---|---|---|---|---|---|---|---|---|---|---|
| BNFC | 4013 | |||||||||||
 |
Wikimedia Commons prepausa de documents multimèdia liures sus Guèrra civila. | |||||||||||
Una guèrra civila es la situacion qu'existís dins un Estat quand una lucha armada armada se debana entre lei fòrças regularas d'un govèrn e de grops armats podent èsser identificats, o quand una lucha armada se debana entre divèrsei grops armats dins lo corrent de combats pus importants qu'una simpla revòuta.
Dau ponch de vist dau drech internacionau de la guèrra, s'utiliza l'expression « conflicte armat non internacionau » car lo mot es reservat per lei conflictes armats internacionaus. De mai, per venir una « guèrra », lei combats devon aver un gra d'intensitat certan e egalament durar durant un periòde sufisent. Aquelei dos critèris permeton de destriar lei guèrras civilas dei « trébols interiors » que pòdon presentar de violéncias similaras mai pas lei caracteristicas d'un conflicte armat (esmogudas, insurreccion, repression, lucha de faccions... etc.).
La localizacion dau conflicte dins un Estat permet de destriar aquela guèrra d'un conflicte armat internacionau, opausant lei fòrças armadas d'au mens dos Estats. Dins aquò, es frequent que lei grops armats participant ai guèrras civilas son sostenguts, mai o mens dubertament, per d'autreis Estats.
Leis originas dei guèrras civilas son fòrça variadas e pòdon èsser etnicas, religiosas, socialas, economicas, politicas, territorialas... etc. Dins lo cas d'una guèrra civila territoriala, lo conflicte pòu èsser considerat coma una guèrra d'independéncia, especialament per lei luchas contra una dominacion coloniala o una ocupacion estrangiera.
Somari |
Lista dei guèrras civilas [modificar]
Antiquitat [modificar]
Edat Mejana [modificar]
Sègle XIX [modificar]
- Guèrra Civila Americana (1861-1865).
- Guèrra Boshin (1868-1869) pendent la Restauracion Meiji.
- Comuna de París (1871).
- Rebellion Satsuma (1877).
Sègle XX [modificar]
- Guèrra Civila Espanhòla (1936-1939).
- Guèrra Civila Grèga (1946-1949).
- Guèrra d'Indochina (1946-1954).
- Guèrra Civila Srilankesa (1983-2009).
