Grand cercle

Un article de Wikipèdia, l'enciclopèdia liura.
Anar a : navigacion, Recercar
Diferents grands cercles, en negre, jaune e violet

En geometria, un grand cercle es un cercle traçat sus la superfícia d'una esfèra, e qu'a lo meteis rai; la devesís en dos emisfèris egals. Se pòt tanben definir un grand cercle coma un cercle traçat sus l'esfèra e qu'a lo meteis centre qu'aquela, o encara coma l'interseccion de l'esfèra amb un plan quin que siá passant per son centre.

Un grand cercle es lo pus grand cercle que se pòsca traçar sus una esfèra.

Geodesicas[modificar | modificar la font]

Los grands cercles son las geodesicas d'una esfèra, es a dire los camins qu'an la pus pichona corbadura e los arcs dels grands cercles son doncas los pus corts camins ligant dos punts a la superfícia d'una esfèra. La distància pus corta entre aqueles dos punts es d'un autre biais donada per la distància del grand cercle.

Los grands cercles son en geometria esferica l'equivalent de las drechas en geometria euclidiana.

Cartografia[modificar | modificar la font]

Sus Tèrra, los meridians e l'eqüator son de grands cercles (mas los parallèls autres que l'eqüator ne son pas).

Sus l'esfèra celèsta, l'orizont, l'ecliptica e l'eqüator celèst tanben son de grands cercles.