Grace Slick

Un article de Wikipèdia, l'enciclopèdia liura.

Grace Slick, nascuda Grace Barnett Wing lo 30 d'octobre de 1939 a Evanston dins l'Illinois, Estats Units d'America, èra cantaira dins los grops The Great Society, Jefferson Airplane, puèi Jefferson Starship e Starship, dels ans 1960 fins als 1980. Amb aquel grops contribuiguèt a popularizar lo ròc psiquedelic. Èra una icòna de la scèna psiquedelica.

Biografia[modificar | Modificar lo còdi]

Grace Slick en 1967.
Grace Slick en 1976.

Nasquèt en 1939 dins la region de l'Illinois, son paire Ivan Wing (1907–1987) es d'origina norvegiana e suedesa e sa maire es Virginia, nascuda Barnett (1910–1984). A un fraire Chris. En 1949, la familha muda a Los Angeles e mai tard a San Francisco[1].

Estudièt a Palo Alto en Califòrnie, al Palo Alto Senior High School e al Castilleja High School. De 1957 a 1958, estudia al Finch College a Nòva York, e de 1958 a 1959 a l'Universitat de Miami a Coral Gables en Florida[2].

Formèt a San Francisco lo grop de folk psiquedelic The Great Society (1965-1966), tanben conegut jol nom de « The Great! Society ». La formacion primièra comptava son marit d'alara, Jerry Slick, a la bateriá, lo fraire d'aquel, Darby, a la guitarra, David Minor als cants e guitarra, Bard DuPont a la bassa e Peter Vandergelder au saxofon[3].

En 1966, après la disparicion de The Great Society, remplacèt Signe Anderson al sen de Jefferson Airplane. Canta et joga del piano e de l'orga sul segond disc, Surrealistic Pillow, (1967), e suls seguent. Montèt amb aquel grop sus l'empont del festenal de Woodstock.

Grace Slick participèt a d'autres discs en mai de Jefferson Airplane amb son companh, lo guitariste Paul Kantner, Sunfighter en 1971 e Baron Von Tollbooth & the Chrome Nun en 1973. Manhole, son primièr disc sola, sortiguèt en 1974. Qualques meses mai tard, Grace Slick tornèt amb Jefferson Airplane, qu'èra vengut Jefferson Starship. Particiapa a la composicion dels discs Dragon Fly, Red Octopus et Spitfire, abans de daissar un temps lo grop en 1978. Slick tornèt dins los ans 1980 suls discs Modern Times, Winds of Change e Nuclear Furniture. Tanben contunhava amb sa carrièra sola amb los dos discsDreams e Welcome to the Wrecking Ball, (1980), e Software (1984).

Al partir de Paul Kantner, Jefferson Starship venguèt Starship. Slick es suls discs Knee Deep in the Hoopla e No Protection, puèi quitèt lo grop en 1988. Sa darrièra collaboracion data de 1989, dins una reunion brèva de Jefferson Airplane. Retirada del mond de la musica en 1990, s'installèt Malibu, dins la comtat de Los Angeles e comencèt a pindre. Es membre de l'associacion de defensa dels animals People for the Ethical Treatment of Animals (PETA). Son autobiografia, Somebody to Love? A Rock and Roll Memoir fuguèt editada en 1998.

Una personalitat explosiva[modificar | Modificar lo còdi]

Grace Slick en 2008.

Grace Slick se faguèt conéisser tan per sa musica que per sa personalitat qualificada d'explosiva per unes jornalistas[4]. Amb Tricia Nixon (en), fillha del president Richard Nixon anèt al College Finch. Invitada per la Tricia en 1969 amb d'autres estudiants a un té a l'Ostal Blanc, Slick se presenta amb lo militant politic Abbie Hoffman e 600 microgramas d'LSD (aviá projectat de metre d'LSD dins lo té presidencial[5]). Reconeguts pel personal de seguretat, foguèron empachats d'intrer car Slick èra sus la lista negra de l'FBI[6], los membres del grop Jefferson Airplane èran tierats per « tèxtes de cançons suspèctes »[7].

Pendent la virada europèa de Jefferson Starship en 1978, l'alcoolisme de Grace Slick venguèt un problèma pel grop que deu anullar la primièra representacion en Allemanha qu'èra tròp bandada per cantar, provocant una levada del public. Joguèt lo ser seguent mas encara bandada que podava pas cantar plan, insultèt lo public e se'n trufa del país d'aver perdut la Segonda Guèrra mondiala. L'endeman, quitèt lo grop.

Internada dins un centre de desintoxicacion per dos còps al mens, un còp dins los ans 1970 e un autre dins los 1990, Slick reconeguèt publicament son alcoolisme. Parlèt de sas experiéncias de reabilitacion e de sa consomacion d'LSD, de marijuana e d'autras substanças dins son autobiografia e intrevistas[8],[9],[10].

Dins los ans 1980, alara que Slick es la sola anciana membre de Jefferson Airplane dins Jefferson Starship, lo grop faguèt tres sucesses, malgrat aquò, Slick denega la musica del grop. Lo quita en 1988, pauc de temps après la sortida de lor darrièr album. En 1989, Slick e los ancians membres de Jefferson Airplane sortiguèron un album e faguèron una virada[11].

Slick foguèt maridada al fotograf Gerald « Jerry » Slick de 1961 a 1971, puèi a Passer Johnson. Sa filha China Wing Kantner nascuda lo 25 de genièr de 1971 de sa relacion (de 1969 a 1975) amb l'ancian guitarista de Jefferson Airplane Paul Kantner[12],[13].

Discografia[modificar | Modificar lo còdi]

Sola[modificar | Modificar lo còdi]

  • 1973 : Manhole
  • 1980 : Dreams
  • 1981 : Welcome to the Wrecking Ball!
  • 1984 : Software
  • 1999 : The Best of Grace Slick

Amb Paul Kantner[modificar | Modificar lo còdi]

  • 1970 : Blows Against the Empire
  • 1971 : Sunfighter
  • 1973 : Baron von Tollbooth and the Chrome Nun (amb David Freiberg)

Notas e referéncias[modificar | Modificar lo còdi]

  1. ↑ (en)Barbara Rowes Grace Slick: The Biography. Garden City (New York): Doubleday & Co.. ISBN 0-385-13390-1. .
  2. ↑ Barbara Rowes Grace Slick: The Biography. Garden City (New York): Doubleday & Co.. ISBN 0-385-13390-1. (en).
  3. ↑ Barbara Rowes Grace Slick: The Biography. Garden City (New York): Doubleday & Co.. ISBN 0-385-13390-1. (en).
  4. ↑ Barbara Rowes Grace Slick: The Biography. Garden City (New York): Doubleday & Co.. ISBN 0-385-13390-1. (en) 1960s icon Grace Slick releases autobiography - Liz Lufkin, SF Chronicle, 7 septembre 1998 (voir archive).
  5. ↑ Barbara Rowes Grace Slick: The Biography. Garden City (New York): Doubleday & Co., 1980. ISBN 0-385-13390-1. (en) White Rabbit - Alex Kuczynski, The New York Times, 20 septembre 1998.
  6. ↑ Barbara Rowes Grace Slick: The Biography. Garden City (New York): Doubleday & Co., 1980. ISBN 0-385-13390-1. (en)
  7. ↑ Barbara Rowes Grace Slick: The Biography. Garden City (New York): Doubleday & Co., 1980. ISBN 0-385-13390-1. [[en}} Grace Slick Talks About Trying to Slip President Nixon LSD - Leah Pietrusiak, Time Out Chicago, Barbara Rowes Grace Slick: The Biography. Garden City (New York): Doubleday & Co., 1980. ISBN 0-385-13390-1. (en) octobre de 2007 (vejatz archiu).
  8. ↑ Behind The Music: Jefferson Airplane, VH1, Paramount Television, 1998
  9. ↑ Barbara Rowes Grace Slick: The Biography. Garden City (New York): Doubleday & Co., 1980. ISBN 0-385-13390-1. (en)
  10. ↑ Barbara Rowes Grace Slick: The Biography. Garden City (New York): Doubleday & Co., 1980. ISBN 0-385-13390-1. (en)
  11. ↑ Barbara Rowes Grace Slick: The Biography. Garden City (New York): Doubleday & Co., 1980. ISBN 0-385-13390-1. (en) Barbara Rowes {{{títol}}}. Garden City (New York): Doubleday & Co., 1980. ISBN 0-385-13390-1. (en)
  12. ↑ Barbara Rowes {{{títol}}}. Garden City (New York): Doubleday & Co., 1980. ISBN 0-385-13390-1. (en)
  13. ↑ Barbara Rowes Grace Slick: The Biography. Garden City (New York): Doubleday & Co., 1980. ISBN 0-385-13390-1. (en).
Recuperada de « https://oc.wikipedia.org/w/index.php?title=Grace_Slick&oldid=2381082 »