Garda Civila (Espanha)

Un article de Wikipèdia, l'enciclopèdia liura.
Anar a : navigacion, Recercar

La Garda Civila (var. Guarda Civila) es una fòrça publica d'estatut militar charjada de la seguretat en Espanha.

Aquel còrs armat saguèt creat per la reina Isabèl II, per decret dau 28 de març de 1844, a l'eschasença daus trabalhs dau mareschal de camp Francisco Javier Girón y Ezpeleta, II duc d'Ahumada,[1] dinc l'enchastre d'una inseguretat creissenta en mitan rural.

Son patrimòni compta un musèu menat per lo Servici daus Estudis Istorics embarrant una importanta colleccion d'armas, de dioramas, de drapèls e d'unifòrmes, fondat en 1921 au Collègi « Infanta Maria Terèsa » a Madrid, uèi dubèrt a la visita dinc lo sèti de la direccion generala dau còrs au numèro 110en de la charrèira « Guzmán el Bueno » dinc la mesma vila.[2]

Possedís un ensemble musical[3],[4] dependent dau Collègi daus Gardas Joves « Duc d'Ahumada » que son sèti se tròba a Valdemoro.

Sa santa patrona es la Verge dau Pilar de Saragossa,[5] festada lo 12 d'octòbre.

Referéncias[modificar | modificar la font]

  1. La Garda Civila de 1844 a 1859: lo tèxte dau decret reial
  2. Lo Musèu de la Garda Civila
  3. L'ensemble musical de la Direccion Generala de la Garda Civila
  4. L'imne de la Garda Civila (1964)
  5. L'imne a Nòstra Dòna dau Pilar Ltspkr.png

Ligams extèrnes[modificar | modificar la font]