Gara centrala d'Umeå

Un article de Wikipèdia, l'enciclopèdia liura.
Anar a : navigacion, Recercar
Gara centrala d'Umeå

La Gara centrala d'Umeå (en suedés: Umeå centralstation o de forma abreujada Umeå C) es la gara principala e mai anciana de la vila suedesa d'Umeå. Foguèt construcha entre 1895 e 1896 e en 2001 venguèt un monument istoric del patrimòni nacional suedés (en suedés: byggnadsminne).

Lo lòc coneguèt una remodelacion importanta tre lo mes de julh de 2010. La gara foguèt alara barrada durant gaireben un an e una segonda gara, Umeå Östra ("Gara de l'Èst d'Umeå"), que dobriguèt lo 7 d'agost del meteis an, se trachèt del trafic ferroviari.

Las òbras de refeccion e reorganizacion, degudas en part a la mesa en plaça de la linha de granda velocitat, la Botniabanan, se faguèron fins al mes de novembre de 2012, mas la gara tornèt dobrir tre la mitat del mes de setembre de 2011.

Demest las òbras de melhorament de l'endrech una òbra d'art de veire longa de 700 mètres sonada Lev! foguèt installada dins un tunèl que pòrta a la gara.