Gaon de Vilna
Un article de Wikipèdia, l'enciclopèdia liura.
Lo Gaon de Vilna (23 d'abril de 1720 - 9 d'octòbre de 1797) foguèt un important rabin, erudit de la Torà, del Talmud, de la Cabala, de la Halakhà e de sciéncias profanas divèrsas. Son nom vertadièr èra Elias (Eliyahu) ben Shelomò Zalman 'Kremer' (o 'Kramer'), mas es generalament apelat en ebrieu coma ha-Gaón ha-hasid mi-Vilna, que significa 'lo gaon (erudit) piós de Vilna' o Gaon de Vilna, Gaon mi-Vilno, o Vilna Gaon, e coma lo Gra (una sigla ebrieva de Gaon lo Rabin Eliyahu).
Gaon significa pas solement 'gèni', mas tanben director d'una acadèmia talmudica, títol desparegut amb la decadéncia del Judaïsme de Babilònia (que i ven l'apelat 'Talmud de Babilònia').
