Gérard Larcher

Gérard Larcher, nascut lo 14 de setembre de 1949 a Flers (Orne), es un òme politic francés, president del Senat de 2008 a 2011, e dempuèi 2014.

Membre de l'RPR, foguèt elegit conse de Rambouillet en 1983, puèi, tres ans mai tard, senator de las Yvelines. Vice-president del Senat de 1997 a 2001, presidiguèt la comission dels Afars economics de 2001 fins a sa nominacion, en 2004, dins lo tresen govèrn Raffarin, encargat de las Relacions del Trabalh; reconduch dins lo govèrn Villepin, venguèt, alara, ministre delegat a l'Emplec près de Jean-Louis Borloo.

Après que foguèt designat candidat del grop UMP contre Jean-Pierre Raffarin, foguèt elegit president del Senat lo 1^èr d'octobre de 2008. Pendent son primièr mandat, menèt una reorganizacion de contunh de l'institucion. Candidat a sa succession en 2011, après la victòri de l'esquèrra a las eleccions senatorialas, foguèt vencut pel socialista Jean-Pierre Bel.

Lo 1^èr d'octobre de 2014, après un renovèlament senatorial favorabla a la drecha, tornèt a la presidéncia del Senat.