Flebotòmi (insècte)

Un article de Wikipèdia, l'enciclopèdia liura.
(Redirigit dempuèi Flebòtom)
Anar a : navigacion, Recercar
Pagina d'ajuda sus l'omonimia Pels articles omonims, vejatz flebotòmi (omonimia).

Lo flebotòmi es un insècte de l'òrdre dels diptèrs de las regions mediterranèas e tropicalas, que sembla fòrça un moissal, mas de dimensions pus redusidas. Es lo principal responsable de la transmission de la leishmaniòsi. Es fòrça present dins lo rèirepaís mediterranèu en Provença, Lengadòc e Catalonha, mas tanben dins la rèsta d'Espanha, en Itàlia e Portugal.

Es un pichon insècte de 2 a 4 mm de long, del còrs e de las alas fòrça peludas. Son vòl es silenciós. Viu principalament entre 100 e 500 m d'altitud. Lo jorn demòra a l'abric dins las ascladuras de parets o las tutas de rosegaires, lo mai sovent a proximitat d'una zona umida (font, riu, potz...). S'activa al calabrun e gaireben tota la nuèit, es atirat pels lums e dintra dins los ostals. La feme qu'es la sola fissaira, cèrca per se noirir un animal de sang cauda (fòrça sovent un can).

Transmission de la leishmaniòsi[modificar | modificar la font]

Quand lo flebotòmi fissa un can o un òme atent de leishmaniòsi, engolís amb son repais sanguin una certa quantitat de parasits. Aquelas leishmanias se van multiplicar dins lo tube digestiu puèi tornar montar fins al nivèl de las pèças bucalas de l'insècte vector. Un relambi de 15 jorns es necessari per que lo flebotòmi après un repais contaminant pòsca transmetre al seu torn la malautiá.

Espècias[modificar | modificar la font]

  • Phlebotomus ariasi, Tonnoir, 1921
  • Phlebotomus longicuspis
  • Phlebotomus papatasi
  • Phlebotomus perniciosus, Newstead, 1911
  • Phlebotomus sergenti