Filon d'Alexàndria

Un article de Wikipèdia, l'enciclopèdia liura.
Anar a : navigacion, Recercar

Filon d'Alexàndria (c. 20 abC-c. 45) qu'estó un filosòf judiu ellenistic.

Qu'escrivó un sarròt de tractats sus la lei mosaïca. La soa òbra qu'ei màgerament apologetica, entenent demostrar la perfèita adequacion enter la fe judiva e la filosofia ellenistica. N'avó pas brica influéncia suu judaïsme mes si qu'estó ua hont d'inspiracion feconda entaus Pairs de la Glèsia. Eusèbi de Cesarèa dens la soa « Istòria eclesiastica » que hè un arrecuelh deus sons escriuts.

La soleta hèita la data de la quau ei segura qu'ei la soa participacion a l'ambaishada qui los judius d'Alexàndria envièn a l'emperaire Caligula en l'an 40 tà demandar la soa proteccion arron de las susmautas antijudivas d'Alexàndria.