Estats de Lengadòc

Un article de Wikipèdia, l'enciclopèdia liura.
Anar a : navigacion, Recercar

Los Estats de Lengadòc foguèron una amassada dels tres òrdres de la província de Lengadòc en assemblada regularament constituida, periodicament convocada e que teniá d'atribucions politicas e administrativas que la principala èra lo vòte de l'impòst. Aquesta amassada existiguèt dins lo periòde comprés entre la fin de l'Edat Mejana e la Revolucion Francesa.

Lo primièr ròtle de l'amassada èra de negociar lo montant de l'impòst amb los comissaris o intendents reials, de ne'n contraròtlar la collècta e de n'assegurar puèi la reparticion per diocèsi e parròquia. Los Estats ne'n servavan tanben una part per desvolopar las vias de comunicacion. Al començament l'amassada se fasiá pas totjorn dins lo meteis luòc, mas cambiava de vila, per exemple a Tolosa, Albi, Carcassona, Besièrs, Narbona, Montpelhièr, Nimes, Pesenàs, Bèucaire... etc. A comptar del sègle XVIII, Montpelhièr ne'n venguèt lo sèti regular.

A costat de l'administracion reiala, los Estats representavan una fòrça politica considerabla, que los intendents ensagèron d'utilizar al servici de la monarquia. Amb l'apieja de Colbert, los Estats decidiguèron lo cavament del Canal de las Doas Mars a comptar de 1666.

Los Estats de Lengadòc foguèron suprimits en 1789 per la Revolucion Francesa.

Fonts[modificar | modificar la font]

  • Devic C., Vaissète J., Histoire générale de Languedoc, tome IX, Privat, Tolosa, 1885.