Essenians

Un article de Wikipèdia, l'enciclopèdia liura.
(Redirigit dempuèi Essenian)
Anar a : navigacion, Recercar

Los essenians èran una comunautat josieva fondada vèrs lo sègle II abC. Las comunautats principalas s'establiguèron en riba de la mar Mòrta. Flavi Josèp, Filon d'Alexàndria e Plini lo Vièlh ne faguèron de descripcions. Los arqueològs pensan que l'endrech de Qumran èra un establiment essenian autor dels manuscrits de la mar Mòrta. Lo movement sembla desparéisser vèrs 70 dC. Aquesta comunautat josieva èra benlèu coneguda per Jèsus. Aquela gent viviá dins lo desèrt, predicava la frairesa, la generositat e la destacadura de las riquessas, e celebrava de rituals purificators a basa d'aiga (essenian significa, probablament, pur). Mai d'un cercaire considèran que la batejada crestiana ven dels rituals purificators faches pels essenians. D'après los evangèlis, Jèsus foguèt batejat pel supausat esseni Joan Baptista dins las aigas del riu Jordan. Los essenians cresián tanben que los patiments del pòble d'Israèl èran deguts a l'manca de fe, afeblida pel paganisme grèc e roman. Vivián ça que la segon unas reglas fòrça estrictas, que los exemples seguents ne fan pròva:

  • Falsificar una declaracion de bens: un an d'exclusion.
  • Mentir o se metre en colera contra un autre membre de la comunautat: 6 meses d'exclusion.
  • Escupir o rire pendent una assemblada o session de pregària: 1 mes d'exclusion.
  • Gimacer (fr) durant una assemblada: 10 jorns d'exclusion.