Escrova

Un article de Wikipèdia, l'enciclopèdia liura.


Escrovas parpalhòl, exagonalas, o amb d'autres implants.

Una escrova es un element d'un sistème vitz/escrova destinada a l'assemblatge de pèças o a la transformacion del movement.

Lo tèrme escrova es derivat del latin scrofa (« truèja »), mejans una comparason vulgara[1], que demora encara mai dirrectament dins d'autras lengas coma en portugués ont escrova e truèja son omonimes (porca).

Descripcion[modificar | Modificar lo còdi]

Dins un sistèma de transformacion de movement, se dona lo nom d'escrova a la partida comportant trasforat.

Coma pèça d'assemblatge mecanic elementri, s'agís d'un organ independent comportant un trauc taraudat en son centre (es a dire un trauc ont es gravat lo Filetatge) que, vissat sus una Vitz (o encara sus una tija filetada que lo diamètre e lo pas de vitz correspondon), constituís un dels dos elements d'un ligam per obstacle.

L'ensems vitz mai escrova pren lo nom de bolon.

Per las escrovas mai abitualas lo seu torn exterior presenta de fàcia segon una disposicion regulara (quatre o sièis fàcias) permetent de la manipular amb una aisina adaptada (clau plana, clau anglesa ou clau moleta per exemple). Tanben i a d'escrova que se pòdon sarrar a la min: escrova moletadas; escrova « parpalhón » (o « d'aurelha »); escrova « de crosilhon » ; e mai.

Las escrovas exagonalas o de sièis fàcias son de luènh mai comuns. Existís fòrça dimensions d'escrovas, caracterizadas per:

  • lo diamètre del trauc central;
  • lo pas de vitz ;
  • la disténcia entre doas fàcias opausadas.

Aquelas dimensions son mesuradas en millimètres dins los país utilisant lo SI, encara fòrça païses las dimensions son donadas en poces.

Las dimensions estandardas en millimètres per la largor de las escrovas de sièis fàcias son un nombre entièr de millimètres (levat: 3,2 e 5,5). Las dimensions estandardas dins l'autre sistèma son exprimadas en fraccions a denominator de poténcia de dos (1/2 5/8...).

Tipes d'escroca d'assemblatge[modificar | Modificar lo còdi]

Los principals modèls d'escrova normalizats : (1) escrova exagonala normal, (2) escrova de nautor redusida dich contraescrova, (3) escrova bòrnia, (4) escrova dobla, (5) escrova de fren Nylstop, (6) escrova carrada, (7) escrova amb embasa, (8) escrova d'auirelhas, (9) escrova fenduda, (10) escrova dentelhada.

Las escrovas d'assemblatge se caracterisan subretot per lor dispositiu d'entraïnament; gaireben totes son exagonalas. Sovent manobradas amb una aisina, o directament a la man. Pòdon comportar en mai un dispositiu de fren de filet o d'arrèst, una embasa aumentant la pièja e dispensant de l'usatge d'una rondèla. D'unas, non normalizadas se comportan coma un fusible clacant pendent la mesa en plaça e enebissent atal lor dessarrament.

Escrova exagonala[modificar | Modificar lo còdi]

Article detalhat: Escrova exagonala.

Son las escrovas mai frequentas. Lor periferia es de forma exagonala, que la disténcia entre doas fàcia correspond en millimètres a la talha de la clau emplegada per lor manòbra.

Ø d nominal M3 M4 M5 M6 M7 M8 M10 M12 M14 M16
talha de la clau 5.5 7 8 10 11/12 13/14 15/17 17/19 19/22 21/24

Escrova carrada[modificar | Modificar lo còdi]

Aquelas escrovas ofrisson una presa a la clau mai importanta. Ara es subretot utilizada coma escrova gàbia (baias informaticas, carroçariá, eca.), un còp lo montatge acabat, l'accés a l'escrova ven impossible (montatge bòrni) e que l'espessor del eétal es gaire sufisanta per permetre un taraudatge solide.
Autres còps èran recomandadas per d'usatges amb risc de clavada o permetavan l'emplec d'acièr mens resistent.

Escrova d'embasa[modificar | Modificar lo còdi]

L'embasa de l'escrova es constituida d'un colareta fasent una superfícia de contacte mai granda surface amb la pèça de la pièja. Remplaça la rondèla plaçada jos l'escrova. Aquela disposicion dona una difusion mai larga dels esfòrts. A vegada aquela superfícia es estriada, limitant en mai lo desclavatge.

Escrova cilindrica[modificar | Modificar lo còdi]

Aquelas escrovas an un encombrament flac.

Escrova parpalhón o d'aurelhas[modificar | Modificar lo còdi]

Aquelas escrovas pòdon esser monobrada a la man.

Escrova bòrnia[modificar | Modificar lo còdi]

Aquelas escrovas son non desbocants, es a dire que lo trauc taraudat existís sonque d'un costat. Aquelas escrovas aparan e amagan lo filetatge de la vitz, per de tòca d'estetica o de seguretat.

Escrovas especialas[modificar | Modificar lo còdi]

Existís d'escrovas especificas segon los usatges:

  • escrovas frenadas: comportant un sistèma destinat a empachar un dessarratge accidental per las vibracions :
    • escrovas fendudas: la fenda permet un espotiment que merma lo diamètre (fenda dins l'axe) o merma lo pas (fenda perpendiculara a l'axe).
    • escrovas Nylstop: dotats d'una baga en polimèr (escrovas autoblocantas)

Tipes d'escrovas de transformacion de movement[modificar | Modificar lo còdi]

Mai sovent son apariats a un modèl particular de vitz. I a los sistèmas vitz escrova lissas e los sistèmas de bilhas.

Los escrovas an doas partidas foncionalas: lo filet en ligam amb la vitz, e las superfícias de mesa e de manten en posicion amb sa pèça d'acuèlh.

Pels dispositius de guidatge lis l'escrova pòt èsser en alliatge de coire, en Teflon, o totes materials balhant en associacion amb l'acièr, un fregadís limitat. Dins lo cas de la transformacion de movement, es evitat al contrari de l'assemblatge d'aténher la situacion de sarrada.

Aquel principi de vitz e escrova de circulacion de bilhas es fòrça utilizat dins las bóstias de dirreccion dels camions.

Vejatz tanben[modificar | Modificar lo còdi]

Articles connèxes[modificar | Modificar lo còdi]

Notas e rederéncias[modificar | Modificar lo còdi]

  1. (fr)Trésor de la langue française informatisé, article Écrou