Enric Abadia

Un article de Wikipèdia, l'enciclopèdia liura.

Enric Abadia (Henri Abadie en francés), vadut eth 13 de heurèr de 1963 en Tarba, en departament deths Hauts Pirenèus e era region de Mieidia-Pirenèus, qu'ei un ciclista bigordan.

Biografia[modificar | Modificar lo còdi]

En 1985 que ganhè ua etapa dera Rota de França e deths Tres dias deths Mauges. Que vadó atau professionau en 1986 en'equipa Fagor. Arron d'ua purmèra victòria obtienguda autanlèu era sua purmèra sason sus era 15au etapa deth Torn de Portugal, que s'afirmè com un bon garrapaire, acabant 19au deth Criterium deth Daufinat desliurat, e dus còps 2au d'etapa suu Torn d'Espanha. Eras suas nombrosas escapadas suber aquesta correguda que'u permetón de ganhar era classificacion deths sprints intermediaris.

Que's restaquè en 1988 ar'equipa Z-Peugeot. Que i acabè 4au deth Gran Prèmi de Plumelec, puish que ganhè en 1989 era sua purmèra e unica correguda d'un dia, eth Trofèu deths Garrapaires, en mei d'uas etàpas dera Rota deth Sud, puish deth Mieidia Libre en 1990, on e portè eth malhòu jaune durant tres dias. Era medisha annada 1989, qu'acabè 12au dera classica bèlga Lièja-Bastogne-Lièja e 19au deth Criterium deth Daufinat desliurat, çò qui'u permetó de figurar ara 192au plaça dera classificacion FICP, era sua miélher classificacion. Ar'escadença dera sua purmèra participacion ath Torn de França que gaudí d'ua popularitat inatenduda gràcias ara simpatia qui esprovè tà eth eth presentador de television Jacques Chancel, qui e'n hasó ua deras mascòtas dera sua emission, À chacun son Tour[1].

Que's restaquè a Toshiba en 1991, on e ganhè eth son darrèr trionf, ua etapa deth Criterium deth Daufinat desliurat. Que hiquè fin ara sua carrèra professionau en 1992, alavetz qui corrí tà Chazal.

Palmarés[modificar | Modificar lo còdi]

  • 1989
    • Trofèu deths Garrapaires
    • 4au etapa dera Rota deth Sud
  • 1990
    • 1er etapa deth Gran Prèmi deth Mieidia Libre
  • 1991
    • 4au etapa deth Criterium deth Daufinat desliurat

Resultats suus grans torns[modificar | Modificar lo còdi]

Torn de França[modificar | Modificar lo còdi]

  • 1988 : 44au
  • 1991 : 108au

Torn d'Espanha[modificar | Modificar lo còdi]

  • 1987 : 47au, vencedor dera classificacion deths sprints intermediaris

Torn d'Itàlia[modificar | Modificar lo còdi]

  • 1986 : 114au
  • 1990 : 48au

Referéncias[modificar | Modificar lo còdi]

  1. La télé et le Tour, Dominique Turgis, mémoire du cyclisme, 3 de julhet de 2004.