Enonciat performatiu

Un article de Wikipèdia, l'enciclopèdia liura.
Anar a : navigacion, Recercar


Es un concèpte creat per J. L. Austin dins son libre How to Do Things With Words. La performativitat definís la qualitat d'un enonciat que realiza, per sa sola enonciacion, l'accion que descriu.

Origina del concèpte[modificar | modificar la font]

Dins son libre How to Do Things With Words (= Coma far de causas amb los mots), J. L. Austin interroga la natura prigonda dels enonciats. Vei una diferéncia fondamentala entre dos tipes de frasas:

  • las que describon o constatan quicòm e que se podòn pensar en tèrmes de vertat o de falsetat. Las sona "constativas".
  • las que se pòdon pas pensar en tèrmes de vertat o falsetat e crean l'accion qu'enoncian. Las sona performativas.

Exemples[modificar | modificar la font]

Aquí qualques exemples:

  • accepti tas excusas
  • lo tribunal vos condamna a tres ans de prison
  • te prometi de far aquò deman
  • vos balhi ma demission

Per exemple: te prometi (performatiu) de venir deman. L'accion es prometre e es realizada per lo quite acte de paraula que consistís a dire qu'òm promet. Bategèt lo paure can magre « Manja-quand-n’a » (Cantalausa). Batejar es aicí un enonciat performatiu vist que realiza l'accion de donar un (escais)nom.